Jeremiya 2:30 - Bhiblia Yo Sawuleka

³⁰ Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Jeremiya 2:30 Referans Kwoze

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Isaya 1:5

Ngu kutxani mi no tsayiswa, nga kusimama miya masoni ngu kueyisa kani? Wotshe msungo wa lwala, ni yotshe mbilu yi pandisekile.

Matewu 23:29

“Mi na ni dikhombo, anu vabhali ni Vafarisi, vaxengeteli, mi akelako mayiva a marigwi vaprofeti, mi txi tshurisela mayiva a valulami, mi txi khanu:

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.

Ezekhiyele 24:13

Amu ka wubihi wako ku ni nduma yo biha, nguko ni ku sawulekisile, aniko awe khwa ti sawulekisa; khu na mbiswa u sawulekiswa ka wubihi wako, ngako ni si leki ku ku henyela.

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

2 Makronika 28:22

Hambi kule a nga ti ti kuxanisekani, mfumeli Akazi a toya masoni e onhela Mkoma.

2 Makronika 24:21

Va to sunga txikungo txo m'daya, ve m'balisela ngu marigwi, ka mtendela wa Nyumba ya Mkoma, madingano ni kuruma ka mfumeli.

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Isaya 59:3

Nguko manza anu ma tate ngu mnoha, ni titiho tanu ti tate ngu wubihi; sisofu sanu si womba-womba makuhu, ni tidimi tanu ti womba-womba kubiha.

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Ezekhiyele 22:24

Awe mwanana wa m'thu, di gele ku khawe: Awe u ditiko daku va u nga mbi sawulekiswa, u si welwiko ngu mati ka ditshiku da kuhenyelwa.

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.