Jeremiya 2:3 - Bhiblia Yo Sawuleka

³ Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Jeremiya 2:3 Referans Kwoze

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Isaya 41:11

Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Varoma 16:5

Dingulani ni dibanza diya di sengeletanako nyumbani kwakwe. Dingulani txirandwa txangu Epenetusi, awu i ku m'hando wo khata ka Kristu ditikoni ka Asiya.

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Joyeli 1:3

Xawutelani matimu awa ka vanana vanu, se vanana vanu ka vanana vawe, ni vanana vava ka limwani liveleko.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Dhewuteronome 26:19

Kasi ku a na kuguleta txitimwi ka otshe matiko awa a nga ma maha, u txi ma pala otshe ngu wudhumo ni nduma, ni kupfaliswa, u txi maha ditiko di di nga sawulekiselwa Mkoma, Txizimu txako, nga ti ene apune a nga wombisa tona.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Amosi 6:1

Dikhombo ka va va humulako Siyoni, ni va va tipfako va di zumbisekile mmangoni ka Samariya, va ku ni ditina hagari ka matiko o khata, ni vale vatako nyumbani ka Israyeli.

Jeremiya 2:4

Engisani dipswi da Mkoma anu va nyumba ya ka Jakobe, Ni nanu mimwaya yotshe ya ka Israyeli.

Habhakuki 1:11

Sekoko, va na pinda kufana ni moya, ve kanda, se va txi ti ninga m'nandu, va txi kha vona mtamo wa txizimu txawe.