Jeremiya 2:27 - Bhiblia Yo Sawuleka

²⁷ Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!

Jeremiya 2:27 Referans Kwoze

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Ezekhiyele 23:35

Ngu toneto, Mkoma Txizimu a khene: Ngako u nga ni divala, u ni tshuralela, u na rwala wubihi wako ni wugelegele wako.

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.

Jeremiya 32:33

Va ni tshuralete, kha va ni engisa; hambiko ni nga va gondisa kambe ni kambe, kha va engisa ti taku va kawukwa.

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 18:17

Ku nga diphuho da muhuma-ditambo ni na va hangalasa masoni ka valala vawe; ngu ditshiku da kuloviswa kwawe. Ni na va tshuralela ni si va kombi khohe.”

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Jeremiya 2:24

Awe u fana ni mangwa ya mkati, ayiya ngako yi txi hokelwa ngu mbimo yo lava matune, yi txi hanuka kha yi tumeli ku tshumetwa ngu m'thu; ngako matune a txi yi lava kha na mbi karala, a na yi mana ngu mtxima wa yona

Jeremiya 3:9

Se Israyeli a to nyenyezisa ditiko ngu wugango wakwe wo thisa, nguko a wu mahile ni marigwi ni sitsha.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Jeremiya 37:3

Mfumeli Zedhekiya a to ruma Jehukali, mwana Selemiya, ni Zefaniya, mwana Mahaseya, mphaxeli, ka Jeremiya, a txi ya khene: Hi kombelele kona kuwa masoni ka Mkoma, Txizimu txathu.

Dhaniyeli 9:7

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.

2 Makronika 29:6

Nguko vatate vathu va hambukile, va mahile to biha masoni ka Mkoma Txizimu txathu, ve mu leka; ve jikisa tikhohe tawe ve leka kuwonetela ditenda da Mkoma va txi ditshuralela.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako: