Jeremiya 2:26 - Bhiblia Yo Sawuleka

²⁶ Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.

Jeremiya 2:26 Referans Kwoze

Jeremiya 32:32

Ngu mhaka ya wubihi wotshe wa vanana va ka Israyeli ni vanana va ka Judha, awu va nga wu maha kasi ku ni henyisa, vona ni vafumeli vawe, ni vathangeli vawe, ni vaphaxeli vawe, ni vaprofeti, ni vathu va ka Judha ni vaaki va Jerusalema.

Ezra 9:7

Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

Jeremiya 48:27

Ina Israyeli kha xaniswa ngu ngawe kani? Ina a to manwa kupani kani? Ti mahisa kutxani aha u wombawombako ngene u txi seka kani?

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Isaya 1:29

Nguko mi na wa tingana ngu mhaka ya mikusu yile mi nga yi navela, mi na wiswa tingana ngu mhaka ya tithembwe tile mi nga ti sawula.

Ezekhiyele 16:54

kasi ku u txi xaniswa ngu tingana tako u txi wa tingana ngu totshe tile u nga maha, u txi va ninga kuthavelelwa.

Ezekhiyele 22:26

Vaphaxeli va dona va ndaka mlayo wangu, kambe va nyenyezisela siya sangu so sawuleka; hagari ka wo sawuleka ni wo nyenyeza kha ku nga ni kuhambana, hambi kuhambana ka wo sawuleka ni wa kwa mbi sawuleka; amu ka Masabbata angu, va pfhumisa maso awe, se ngu kumaha keto na nyenyeziswa hagari kwawe.

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Isaya 44:9

Votshe vathumi va sithombe so vatwa, kha va vhuni txilo, ni simaha sawe sile va tsakako ngu sona, hi nga sa txilo; tifakazi tawe tipune kha ti woni txilo, kambe kha ti pimisi, kala kuza vona ve kanganyiswa.

Isaya 44:11

Wonani taku, votshe vale va si londetako va nawa tingana; nguko vathumi va kona vapune va huma hagari ka vathu; va na sengeletane votshe va txi ema; va na thava, kambe votshe va na wa tingana.

Jeremiya 4:9

Ku na maheka ka yoneyo mbimo, kuwomba Mkoma, ti taku: Mfumeli ni manganakana va na wika misana; se vaphaxeli va na diwuka, vaprofeti va na xamala.

Jeremiya 22:22

Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.