Jeremiya 2:25 - Bhiblia Yo Sawuleka

²⁵ Thela kota ti to mkondo wako wu si mwalalelwi ngu kathula, ni mkolo wako ti to wu mana ditora! Aniko u khawe: “Wa ti karata walo! Nguko ni randa sizimu sa vamatiko ni nga txi na si londetela.”

Jeremiya 2:25 Referans Kwoze

Dhewuteronome 32:16

Va wusile txiluse txa Txizimu ngu kukhozela simwani sizimu; va mu henyisile ngu wubihi wawe.

Jeremiya 18:12

Aniko va na xamula, va txi kha vona: “Wa ti karata walo, hi na maha kuranda kwathu athu vanyamne, mmweyo ni mmweyo a na maha ngu kubanga ka mbilu yakwe yo biha.”

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Varoma 8:24

Kha ditshuri hi hanyisilwe, nguko hi ningilwe kuverela. Aniko kuverela txi hi txi wonako hi nga ngadi kuverela, nguko atxile m'thu a txi wonako, kasi a nga va a txi txi verela kambe ka tihi kani?

Sidilo 4:4

Lidimi li vamamako ngu lona, li namarela ngu ditora; vanana va kombela sakudya, aniko kuwalo wu a va ningako.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Jeremiya 13:22

Ngako u txi womba mbiluni kwako, u txi khawe: “Ti tisa kutxani kwangu ta ku nga tiya kani?” Ziva ti to u vhunungutwe syambalo sako, ngu mhaka ya kubiha kwako ka hombe, ni sizenende sako si pekilwe.

Isaya 57:10

U karate amu ka dipfhumba dako do lapha; kambe khu wombi ku khawe: Kha ku na themba; sile u nga ti si lava u si mani; ngu kumaha keto, u nga lwale.

Isaya 2:6

Aniko awe u lekile vathu vako, va nyumba ya ka Jakobe; nguko va tate ngu sihena sa wutxani, va nyawuti kufana ni Vafilista, kambe va ti pata ni vanana va vamatiko.

2 Makronika 28:22

Hambi kule a nga ti ti kuxanisekani, mfumeli Akazi a toya masoni e onhela Mkoma.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Luka 16:24

Konaho a to kwangula a txi khene: ‘Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.’

Luka 15:22

Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 22:20

Kwelela Libhanoni, u kwangula, guleta dipswi dako na u di Bhasani! Kwangula u di txitimwi ka mimango ya Abharime, nguko votshe va vo randeka kwako va lovisilwe.

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Ezekhiyele 20:32

Kambe ati ti ku mapimoni kwanu, kha ti na mbi maheka, ngu ku mi ku khanu: Hi na fana ni matiko, hi txi nga timwani tihunzu ta ha mafuni, va thumelako so vatwa ni sa kuwumbwa.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

2 Makronika 28:23

Nguko a to phaxela ka sizimu sa Dhamasku, sile si nga mxula, se a nje khene: Ngako sizimu sa vafumeli va Siriya si nga va vhuna, ni na si mahela miphaxo, kasi ku si na ni vhuna. Aniko si to va lovisa vona, ni va ka Israyeli.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.