Jeremiya 2:24 - Bhiblia Yo Sawuleka

²⁴ Awe u fana ni mangwa ya mkati, ayiya ngako yi txi hokelwa ngu mbimo yo lava matune, yi txi hanuka kha yi tumeli ku tshumetwa ngu m'thu; ngako matune a txi yi lava kha na mbi karala, a na yi mana ngu mtxima wa yona

Jeremiya 2:24 Referans Kwoze

Jeremiya 14:6

Timangwa ti emile mimangoni, to bhibhikelana kufana ni vanyapwe; maso a tona ma pfhupete, ngu kupwateka ka mwasi wa wuphya.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Jeremiya 2:27

Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!

Jobe 11:12

Aniko m'thu wa diphanga mbwo pwata mapimo; ina, m'thu a velekwa kufana ni mbongola ya txitinga.

Hoseya 8:9

Nguko vakwelete veya Asiriya, ku nga mbongola ya txitinga, yi ku yokha; kambe Efrayime a xavile sirandwa.

Jobe 39:2

U nga balela mitxima ya kuverela ka tona, mwendo u ziva mbimo ya kuveleka ka tona kani?

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.