Jeremiya 2:23 - Bhiblia Yo Sawuleka

²³ U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Jeremiya 2:23 Referans Kwoze

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

Mavingu 30:12

Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Mavingu 30:20

Ngu toneto, ni nzila ya wamsikati wa digelegele: Ene wa dya, e bahulela txisofu txakwe, a txi khene: Kha na maha to biha.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Masalmo 36:2

Ene apune a ti wona i di wamnene ngutu, kasiku asi woni txionho txakwe, e txi nyenya.

Esteri 8:16

Se ka Vajudha kuho kuwonekela, ni kutsaka, ni wudhumo, ni wudhundo.

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Jeremiya 16:10

Ngako u di va zivisile vava vathu totshe timhaka tiya, va ti kha vona kwako: Ngu kutxani Mkoma a wombako txitimwi kwathu ngu dikhombo diya da hombe kani? Ngu kuhi kubiha kwathu mwendo kuonha ku hi nga onhela ngu kona Mkoma Txizimu txathu, kani?

Hoseya 1:2

Makhato a dipswi da Mkoma ngu ka Hoseya; Mkoma a to khene koko ka Hoseya: Tsula uya teka wamsikati wa wugelegele ni vanana va wugelegele; nguko ditiko di mahile wugelegele, ngu kutshuralela Mkoma.