Jeremiya 2:21 - Bhiblia Yo Sawuleka

²¹ Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Jeremiya 2:21 Referans Kwoze

Isaya 5:4

Njitxani tximwani txo dingana ku txi mahwa ka thembwe yangu atxi ani ni nga mbi txi maha kani? Ni ti verete kuvelekwa ka mauvha o tshamba, se ku txi ta velekwa mauvha o bava kani?

Eksodha 15:17

Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

Johani 15:1

“Ani ngani mndonga wa ditshuri wa m'vhinya. Tate wangu ngene m'dimi wa kona.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Luka 20:9

Se a to khata kugela vathu txidinganiso txiya: “M'thu wokari a phayile thembwe ya mivhinya, se e yi siyela manzani ka vadimi, se e teka dipfhumba da kuendela matikoni ka kule, mbimo yo lapha.

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Dhewuteronome 32:32

Nguko vhinya yawe, i vhinya ya Sodhoma, ni ya tithembweni ka Gomora; mauvha a kona, mauvha a nyongwa, ni sizangwe sa kona nzizangwe so bava.

Matewu 21:33

“Engisani txidinganiso tximwani: A ti ti ho m'thu, i nga ti di nyamne wa m'ti, awu a nga phaya mivhinya e yi bhiyela ngu libhiyo la mindonga, a txi kelela nzeka ya kukamela ka yona mihando yakwe, e aka txitezi, ngu msana a txi ningela thembwe yiya ka vadimi, se ene a txi teka dipfhumba da kuendela ditikoni ka kule.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Isaya 1:21

Eto di nga wekelisa tona didhoropa do thembeka! Adi di nga ti tate ngu wululamo! Wululamo wu ti akile ka dona, aniko konkuwa, didhoropa da wudayi.

Masalmo 105:6

Anu vanana va Abrahamu, txithumi txakwe, ni nanu vanana va Jakobe, msawulwa wakwe.

Joxuwa 24:31

Israyeli a thumete Mkoma amu ka otshe masiku a kuhanya ka Joxuwa, ni ka masiku otshe a madhota awa ma nga hanya msana ka kufa ka Joxuwa, i ku vale va nga ziva mithumo yotshe yile, Mkoma a nga yi maha ka vanana va ka Israyeli.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Isaya 27:2

Ka ditshiku dile, ku nava ni thembwe ya vhinya ya mxowo wo bhilivhila; yi embeleteni.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Masalmo 80:9

U wu lulamisete mafu, se wona wu mite mikoloti, wu txi na va, wu eneta dotshe ditiko.

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Jeremiya 11:16

Mkoma a ku thute ditina daku: Muolivha wo nyuka wa mihando yo tshura. Ngu diguwa da hombe da m'dhikila a di hisile ngu mndilo, madhavi a dona ma phatukete.

Ezekhiyele 15:2

Awe mwanana wa m'thu, nji txani dipulango da m'vhinya kupinda da yimwani mindonga, aku didhavi da wona, di manekako hagari ka mindonga ya txitinga kani?