Jeremiya 2:19 - Bhiblia Yo Sawuleka

¹⁹ Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 2:19 Referans Kwoze

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Masalmo 36:1

Txionho txa womba-womba mbiluni ka m'thu wo biha. Kwakwe kha ku nga ho kuthava Txizimu.

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Varoma 3:18

Kha ku nga ni kuthava Txizimu masoni kwawe!”

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

Ezekhiyele 39:24

Madingano ni wubihi wawe ni wuhambunyeti wawe, ni va thumisile, ni ku va sisela khohe yangu.

Hoseya 7:2

Kambe kha va wombi timbiluni kwawe ti to ani na alakanya wotshe wubihi wawe; konkuwa koko, va randelwa ngu mithumo yawe; ya woneka masoni kwangu.

Hoseya 13:9

Kasi ku ni kukomba ti to u mwalate, awe Israyeli, u ni wukete, u wukete m'vhuni wako.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?

Eksodha 33:6

Sekoko, kukhukhela mmangoni ka Horebhi, vanana va ka Israyeli va to thavisa sotshe simaha sawe sa bombo.

Valamuli 10:13

Hambi keto, anu mi ni tshuralete, mi thumela simwani sizimu; ngu mhaka yeto kha ni na mbi mi hulukisa kambe.

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

2 Makronika 12:5

Sekoko mprofeti Semaya a to ta ka Robhowamu ni ka vathangeli va va ka Judha a ava va nga ti ti sengeletanile Jerusalema ngu mhaka ya Sisake, a txi khene: Mkoma a womba tiya: Anu mi ni lekile, nani ni mi lekile manzani ka Sisake.

2 Makronika 21:10

Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Jeremiya 13:22

Ngako u txi womba mbiluni kwako, u txi khawe: “Ti tisa kutxani kwangu ta ku nga tiya kani?” Ziva ti to u vhunungutwe syambalo sako, ngu mhaka ya kubiha kwako ka hombe, ni sizenende sako si pekilwe.

Ezekhiyele 23:30

Eto ti na ku mahekela, nguko u mahile wugango ni vamatiko, kambe u ti nyenyezisile ngu sithombe sawe.

Hoseya 9:1

U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho.