Jeremiya 2:10 - Bhiblia Yo Sawuleka

¹⁰ Hi nga wulelani miya txitondoloni ka Kilimu, mi ya wona; rumelani Kedhari, mi xolisisa kha kwati; mi wona ngako txilo txo ngeto txi khala kumaheka.

Jeremiya 2:10 Referans Kwoze

Masalmo 120:5

Dikhombo dangu ani ni hanyako Meseki, ani ni zumbako ka matenda a Mkedhari!

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

Dhaniyeli 11:30

Nguko ku nata sitimela sa Kitimi, si txi ta muwusela kupandiseka; se a na tshumela e henya e wukela txitumelelano txo sawuleka, kambe a na maha ti ti mtsakisako; ni ku a na tshumela e xayisa avale va nova va di lekile txitumelelano txo sawuleka.

Ezekhiyele 27:6

Madhavi ako ngo mahwa ngu mikusu ya Bhasani; Vasiriya va ku tshurisete ngu makwasa a tinzofu ta sitondoloni ka Ketiyini.

Isaya 21:16

Nguko Mkoma a ni gete tiya: Mndani ka dilembe, kufana ni malembe a vo holelwa, wotshe wudhumo wa Kedhari wu na mwalala.

1 Makronika 23:12

Vanana va Kowati ngu vava: Aniramu, ni Isari, ni Hebroni, ni Uziyeli, i mune.

1 Makronika 23:1

Mbimo yi koko, Dhavhidha a nga kumba, a di ni masiku o tala, a to veka Solomoni, mwanakwe, kuva mfumeli txitimwi ka va ka Israyeli.

1 Makronika 1:7

Se vanana va Javhani ngu vava: Elisa, ni Tarxixi, ni Kitimi, ni Dhodhanimi.

Valamuli 19:30

Se ku to maheka taku, ni wihi wu a nga txi ti wona, a ti ti khene: “Kha ti zivi kumaheka to nga tiya, kambe kha ti zivi kuwonwa, kukhukhela ka ditshiku dile vanana va ka Israyeli, va nga huma ngu ditikoni ka Egipta, kala ka ditshiku da nyamsi; vekisani mhaka yiya timbiluni kwanu, mi txi wila mhaka ya kona.”

Mitengo 24:24

Se sitimela sa mabambe ka mati a Kitime, si na xanisa Asuri; kambe si na xupha Vahebheri; kuve nene a naya kulovani.

Genesisi 25:13

Matina a vanana va Ismayeli, madingano ni tiveleko tawe, ngu awa: Matiwula ngu Nabhayoti, ku txi gameta Kedhari, Adhibheli, ni Mabhisani,

1 Vafumeli 9:9

Se va na kha vona: Nguko va nga leka Mkoma, Txizimu txawe, txi txi nga humisa vatate vawe ditikoni ka Egipta, se ve ti gwatamisa ni sizimu sa walo, se va txi nama msoni ka sona, ni ku si thumela; ngu mhaka yeto, Mkoma a tisile txitimwi kwawe kotshe kubiha kuwa.

Isaya 23:12

Se a txi khene: Khu na mbiswa u ndaka-ndaka kambe ngu kutsaka, awe muhorana wo tsindavetwa, mwana Sidhoni; khukha, tsula Kitimi, kambe hambi kona hale, khu na mbi mana kuhumula.

Jeremiya 49:28

Xungetano ngu Kedhari, ni mifumo ya Hazori, avale va nga pekwa ngu Nebhukodhonosori, mfumeli wa Bhabhilona. A khene kha Mkoma: Khukhani, kwelani mi txi ya khundumusa Kedhari, ni kuhangalasa vanana va Wutxani.

Ezekhiyele 5:7

Ngu kumaha keto, Mkoma Txizimu a womba tiya: Ngu mhaka ya kule mi nga engetela wubihi wanu kupinda matiko ale ma nga mi randela, kha ma tsimbila ngu sileleto sangu, kambe kha ma londisa silayelo sangu, hambi kutsimbila ngu silayelo sa matiko ale ma nga mi randela;

Dhaniyeli 11:18

Msana keto, a na hundulukela sitondoloni, e teka so tala sa kona; kambe mthangeli wokari a na heta txiruko txakwe, a na tshumeta txiruko txitimwi kwakwe.

Isaya 23:1

Mahungu a Tiro. Pekani huwa, anu mi ku sitimelani ka Tarxixi, nguko a xasetwe, aha koza ku si sali ni nyumba kwakwe, se kha ku nga ni ko a nga wulela ni wammweyo; kukhukhela ditikoni ka Kitimi, va zivisilwe tiya.

Ezekhiyele 16:16

Kambe u tshurisete makhalo o guleka ngu syambalo sako sa mixowo yo tala, u txi maha wugango txitimwi ka sona; to nga eto kha ti zivi kumaheka, kambe kha ti na mbi ngadi ti maheka.

Ezekhiyele 27:21

Arabhiya ni otshe madhota a Kedhari, i ti ti vona manza a wuxavisi wako, ngu tinvuta, ni tihamba, ni vamabhongwe; ka soneso va ti ti xaviselana ni nawe.