Jeremiya 19:9 - Bhiblia Yo Sawuleka

⁹ Ni na va maha vedya nyama ya vanana vawe va txiwamna ni va txisikati, mmweyo ni mmweyo a na dya nyama ya dixaka dakwe, ka mbimo ya kurandelwa ni ku kuretwa kwawe, eho va na so mwa tshim ngu valala va va xotako wutomi wawe.

Jeremiya 19:9 Referans Kwoze

Isaya 9:20

Se ngako a txi wila didhawa da txinene, a na tshumela e pfa nzala, ngako a txi wila didhawa da txibhabha, kha na mbi khura; mmweyo ni mmweyo a na dya nyama ya diwoko dakwe.

Sidilo 4:10

Manza a vamame vale va nga ti zivaneka ngu wunene, ngu ona ma nga bhika vanana vawe mapune, ve tshumela ve dya, nguko m'ti wa ka kwathu wu xasetwe ngu nzala.

Levhi 26:29

Mi na dya nyama ya vanana vanu va vafana, mi txi dya nyama ya vanana vanu vamahorana.

Ezekhiyele 5:10

Ngu kumaha keto, vatate va na dya vanana vawe hagari kwanu, ni vanana va na dya vatate vawe; se ni na maha wulamuli wangu kwako, votshe vale va no sala, ni na va hangalasa ka otshe madhawa.

Sidilo 2:20

Awe Mkoma, wona! U txi wonisisa ti to i mani u mmahelako tiya. Ina vamame va fanete ku ti dyela vanana va va va randako, kani? Ina vaphaxeli ni vaprofeti va dingana kudawa va txi fela ka wukhalo wako, wo sawuleka kani?

Jeremiya 13:14

Ni na va phwatisa ve gumulana, vatate ni vanana, kuwomba Mkoma. Kha ni na mbi va divalela, hambi ku va tsetsa. Kha ni na mbi va ni wumbilu ha ka ku ni si va lovisi.

2 Vafumeli 25:3

Ka ditshiku da mtxhanu ni mune, ka mtxima wa wumune, mbimo yile didhoropa di nga ti wona di ti tsindavetilwe ngu nzala, ku si maneki hambi dipawu do dyisa vathu,

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.