Jeremiya 19:7 - Bhiblia Yo Sawuleka

⁷ Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 19:7 Referans Kwoze

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 34:20

Ni na va ningela manzani ka valala vawe, ni manzani kava va va xuvelako kufa, sirumbi sawe si na dyiwa ngu sinyana sa nzuma ni sibanda sa mafu.

Jeremiya 15:9

Awu a nga veleka mtxhanu wa vanana ni vambidi, a hohovate, a fite; ditambo dakwe di pswitikile na kuve i ngadi mitshikari; a rwate tingana ni kujujeka msungo. Ava va nga sala ni na va ningela ka ditxhari masoni ka valala vawe, kuwomba Mkoma!”

Jeremiya 15:2

Ngako va txi ku wotisa, va txi kha vona: Eko hi naya hayi kani? U na va xamula, u txi khawe: Mkoma a khene: Ava va nga emiselwa kufa, va na ya kufani; ava va nga emiselwa ditxhari, va na ya ditxharini; ava va nga emiselwa nzala, va na ya nzalani; ni va va nga emiselwa wukarawa, va na ya wukarawani.

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Varoma 4:14

Nguko, ngako vadyi va thomba ya mafu i di va va namarelako mlayoni, kukholwa kuphindukile ku txi maha txilo txa walo, ni txona txithembiso txi txhipile;

Varoma 3:31

Se ina ho fuvisa mlayo ngu mhaka ya kukholwa kani? Lambi! Aniko ho tsanisa mlayo.

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Jeremiya 46:26

Ni na mningela manzani ka vale va mlavako ku m'daya, i ku manzani ka Nebhukodhonosori, mfumeli wa Bhabhilona, ni manzani ka sithumi sakwe; se msana keto, ku nava ni vo zumba, nga masiku a kale, kuwomba Mkoma.

Jeremiya 22:25

Ni na kuningela manzani ka va va xotako wutomi wako, ni manzani ka vale u dhudhumelako masoni kwawe, i ku ene Nebhukodhonosori, mfumeli wa Bhabhilona ni ka Vakaldheya.

Jeremiya 22:19

A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Jeremiya 8:8

Ngu kutxani mi ku khanu: Athu hi txharihile, hi ni Mlayo wa Mkoma kani? Wona mtenga wa makuhu a vabhali, wu hembile makuhu.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Jeremiya 32:28

Ngu konaho, Mkoma a khene: Wona, ni na ningela diya didhoropa manzani ka Vakaldheya, ni manzani ka Nebhukodhonosori mfumeli wa Bhabhilona, a na di teka.

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

2 Vafumeli 21:14

Se ni na leka miboti yile i kuthomba yangu, ni na va ningela manzani ka valala vawe; va na pelwa ni kuhonyolelwa sawe ngu valala vawe.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.