Jeremiya 19:4 - Bhiblia Yo Sawuleka

⁴ Nguko va ni lekile, ve nyenyezisa wukhalo wuwa, nguko va nga hisa dibaselo ka simwani sizimu, eso va nga mba si ziva, vona ni vakokwani vawe ni vafumeli va ka Judha; va tatile wukhalo wuwa ngu mnoha wa va va singako ni mnandu;

Jeremiya 19:4 Referans Kwoze

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

Isaya 65:11

Aniko kwanu mi nga leka Mkoma, mi divalako mmango wangu wo sawuleka, mi lugisako meza ya Gadhi, se mi patelako vhinya yo lumba Meni,

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

Dhewuteronome 28:20

Mkoma a na kurumela makhombo, ni kuxaniseka, ni kumwalalelwa ka yotshe mithumo ya manza ako, kala u txi loviswa, u fuviswa ngu txikuluveta, ngu mhaka ya kubiha ka mithumo yako, yile u nga ni leka ngu yona.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

2 Vafumeli 24:4

kumweko ni mnoha wo mbi na mnandu, wu nga theketwa walo, ku txi tala Jerusalema ngu mnoha wo mbi na mnandu; ngu mhaka yeto, Mkoma kha tumela ku m'divalela.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Luka 11:50

Ati to mnoha wa vaprofeti votshe wu wu nga theketwa kukhukhela kutumbulukani ka mafu, wu txi vilwa ka liveleko liya,

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Jeremiya 26:23

Va to humisa Uriya ditikoni ka Egipta, va txi mu wuyisa ka mfumeli Jehoyakimu, awu a nga ta m'daya ngu ditxhari, e tshotsha txirumbi txa kona diphalani ka vanyamtshanzale.

Jeremiya 26:15

Zivani dwe ti taku, mi txi ni daya, mi neha mnoha wo mbi na mnandu txitimwi ka wutumbu wanu, ni txitimwi ka didhoropa diya, ni txitimwi ka votshe va zumbako ka dona; nguko Mkoma ngene a nga ni ruma ku ta txhumayela kwanu totshe tiya timhaka.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

Dhewuteronome 13:13

vathu vokari, vanana va Beliyali, va humile hagari kwanu, va timetile vaaki va didhoropani kwawe, va txi kha vona: “He tsimbileni hi ya khozela simwani sizimu,” sizimu sile mi si si ziviko,

Dhewuteronome 13:6

Ngako mwananu, awu i ku mwanana wa mame wako, mwendo mwanana wako wa mfana, mwendo wa dihorana, mwendo msikati wa mbilu yako, mwendo mndoni wako wo randeka ngutu, a txi lava ku ku kujetela ngu malengo, a txi khene: “He tsimbile hi txi ya khozela simwani sizimu,” sizimu sile awe ni vatate vako mi nga mbi si ziva,

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

Jeremiya 17:20

u txi khawe kwawe: Engisani dipswi da Mkoma anu vafumeli va ka Judha, ni nanu motshenu Vajudha, ni nanu motshe mi zumbako Jerusalema, mi wulelako ngu sike siya.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Ezekhiyele 7:22

Khohe yangu kha yi na mbi va rendekela, se va na nyenyezisa wukhalo wangu wo sisala; nguko va na wulela ka wona vaxaseli va txi wu nyenyezisa.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Valamuli 5:8

Va ka Israyeli va to ti sawulela simwani sizimu sasiphya, se koneko yimbi yi to wulela tinyumbani kwawe. Hagari ka 40.000 wa vavamna va va ka Israyeli, ku ti si nga ho ni wammweyo a nga ti ñote txitxhavangu mwendo ditxhari.

Masalmo 106:38

Va theketile mnoha wo mbi na mnandu, mnoha wa vanana vawe va vafana ni mahorana, ve phaxela ngu wona ka sithombe sa Kanana se ka toneto va nyenyezisile ditiko.

Ezekhiyele 8:11

Kambe ku ti ni mtxhanu wa magumi ni magumi mambidi a vavamna, ka madhota a nyumba ya ka Israyeli, ni Jezaniya, mwana Safani, va nga ti ti hagari ka sona, va ti ti emile masoni ka sile so pendwa, kambe mmweyo ni mmweyo a ti ti ni dibaselo dakwe; se ku ti ti kwela wutshi wo thisa wa dibaselo.