Jeremiya 19:3 - Bhiblia Yo Sawuleka

³ U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Jeremiya 19:3 Referans Kwoze

1 Samuwele 3:11

Se Mkoma a to khene ka Samuwele: Wona tito, ani ni na maha mhaka yokari ka Israyeli, a yi yi no kwangula tinzeveni ka ni wuhi a yi pfako.

Jeremiya 17:20

u txi khawe kwawe: Engisani dipswi da Mkoma anu vafumeli va ka Judha, ni nanu motshenu Vajudha, ni nanu motshe mi zumbako Jerusalema, mi wulelako ngu sike siya.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Isaya 28:19

Kukhukhela a txi khata kupinda a na mi ñola, nguko mixo ni mixo a na pinda, ni ka wotshe wusiku ni yotshe mitshikari; se ku na maheka taku, kupfa mhaka yo nga yiya dwe, ku na wusa kudhuka ka hombe.

Mtuletelo 2:29

Awule a ku ni tinzeve, a na engise ati Moya wu embelako Mabanza.”

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

Masalmo 102:15

Sekoko yotshe mifumo yi na thava ditina da Mkoma votshe vafumeli va ha mafuni va dhumisa wuhombe wakwe,

Masalmo 2:10

Konkuwa koko anu vafumeli, txharihani; gondani, anu valamuli va vathu.

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 35:17

Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Wona, ni na neha txitimwi ka Judha, ni ka votshe va zumbako Jerusalema, dotshe dikhombo ni ngadi womba kwawe; nguko ni khala ku va gela, aniko kha va engisa; ni va dhani, aniko kha va xamula.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Jeremiya 25:29

Nguko hi nga wonani didhoropa di di dhanwako ngu ditina dangu, na khata ku di tsayisa; ina anu mi na lekwa mi si tsayiswi kani? Kha mi na mbi divalelwa, nguko ni na xomisa ditxhari, di na peka votshe vazumbi mafuni, kuwomba Mkoma wa Mabutho a Tiyimbi.

Jeremiya 44:3

ngu mhaka ya kubiha ku va nga kumaha, va txi ni henyisa, ve hisela miphaxo sizimu sa walo ni ku si thumela, vona, anu, ni vatate vanu.

Ezekhiyele 7:5

Mkoma a womba tiya: Dikhombo dimwedo, data dikhombo dimwedo.