Jeremiya 19:2 - Bhiblia Yo Sawuleka

² huma u tsula mkovani, ka mwana Hinomi, hafuhi ni Txike txa Sirengele, u txhumayela kheyo timhaka ti ni no kugela.

Jeremiya 19:2 Referans Kwoze

Joxuwa 15:8

Kukhukhela koneyo wu txi ya mkovani ka Bheni-Hinome wu txi ta ngu wulambwe, ngu mthekani ka M'jebhusi, i ku Jerusalema; wu txi ya ngu txitimwi ka mmango, awule wu wonanako ni mkova wa Hinomi, ngu didhawa da mswa-ditambo, magwito ka libala la Rafayime, ngu didhawa da wuphemba.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Makronika 28:3

Kambe a to hisa dibaselo mkovani ka Mwana Hinomi, hambi vanana vakwe a mahile ngu vona mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mithumo 5:20

“Tsulani Dithepeleni, mi txi ya gela vathu timhaka tiya totshe ta wutomi wa wuphya.”

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Jona 3:2

Khukha, u tsula ka Didhoropa da Hombe da Ninivha, u txi ya txhumayela mapswi ale ani ni nga kugela.

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 11:6

Sekoko Mkoma a to womba kwangu, a txi khene: Womba-womba totshe tiya timhaka madhoropani a ka Judha, ni mu tiruwani ka Jerusalema, u txi khawe: Engisani timhaka ta txiya txitumelelano, mi maha tona.

Jeremiya 7:2

Ema ha txikeni ka Nyumba ya Mkoma, na u txi peka nyiwo eho ngu mhaka yiya, u txi khawe: Engisani mhaka ya Mkoma, anu motshenu va ka Judha, mi wulelako ngu sike siya ku ta khozela Mkoma.

Jeremiya 3:12

Tsula u ya nuwela mahungu awa wuphemba, u txi khawe: Wuya Israyeli, awe u nga phawuka, kuwomba Mkoma. Na mbiswa ni mi henyela, nguko ni ni wumbilu, kuwomba Mkoma, na mbi kho ni henya kala kupinduka.

Jeremiya 1:7

Aniko Mkoma a to khene kwangu: “U nga wombe ku khawe: Ni ngadi mwanana; nguko ni hayi ni no kuruma, u na tsula; se ni totshe ti ni no kugela u na ya womba.

Nehemiya 3:29

Msana ka vaphaxeli, ku to aka Zadhoki, mwana Imeri, masoni ka nyumba yakwe, se, msana kwakwe, kuaka Semaya mwana Sekaniya, muwoneleli wa Txike txa Wutxani.

Jeremiya 18:2

“Khukha, kwitima u txi ya nyumbani ka muwumbi, ni na kugela kona timhaka tangu.”