Jeremiya 19:14 - Bhiblia Yo Sawuleka

¹⁴ Sekoko Jeremiya a to wuya ngu Tofeti, eyo Mkoma a nga ti mrumile kuya profeta kona, a to ta ema masoni ka Nyumba ya Mkoma, e gela vathu votshe, a txi khene:

Jeremiya 19:14 Referans Kwoze

Jeremiya 26:2

Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

2 Makronika 20:5

Josafati a to khukha a txi ema hagari ka msengeletano wa Judha ni Jerusalema, Nyumbani ka Mkoma, masoni ka diguma da diphya.

Mithumo 5:20

“Tsulani Dithepeleni, mi txi ya gela vathu timhaka tiya totshe ta wutomi wa wuphya.”

Jeremiya 17:19

Mkoma a ti khene kwangu: Tsula u txi ya ema ha txikeni ka vanana va ditiko, ahawa va wulelako ngu kona vafumeli va ka Judha, va humako ngu kona, u txi ema ni ka sotshe sidinge sa Jerusalema;

Jeremiya 25:2

Dipswi diya mprofeti Jeremiya a nga gela ditiko dotshe da ka Judha ni ka votshe va zumbako Jerusalema, a txi khene:

Jeremiya 28:5

Sekoko mprofeti Jeremiya a to xamula ka mprofeti Hananiya masoni ka vaphaxeli ni masoni ka vathu votshe va nga ti emile mu Nyumbani ka Mkoma,