Jeremiya 19:1 - Bhiblia Yo Sawuleka

¹ Mkoma a ti khene: Tsula ka muwumbi u txi ya ti xavela khadi ya dibumba, se u na teka masungukati okari a ditiko ni a vaphaxeli,

Jeremiya 19:1 Referans Kwoze

Sidilo 4:2

Vanana vo randeka va Siyoni ava va nga ti fananiswa ni nzalama yo tshura se konkuwa va fana ni tikhadi ta dibumba, ti ti nga mahwa ngu manza a muwumbi.

Isaya 30:14

Se a na txi faya, nga ti txi fayiswako tona txiya txa muwumbi, a txi txi faya, kha na mbi txi tsetsa; kha ku na mbi maneka ni txirengele tximwetxo, txo hala ngu txona mndilo ha txikho, mwendo kureka ngu txona mati txisimani.

Mitengo 11:16

Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

2 Vafumeli 19:2

Sekoko a to rumela Eliyakimu, mthangeli wa nyumba ya wukoma, ni mabhalani i ku Sebhina, ni madhota a vaphaxeli va di fenengete masaka, ka mprofeti Isaya, mwana Amosi.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Jeremiya 32:14

A womba tiya Mkoma wa Mabutho a Tiyimbi, Txizimu txa Israyeli: Teka mapapilo awa, dipapilo di di nga tsaniswa, ni di di nga mbi sekwa, u txi ma beta ka khadi ya dibumba, kuva ma txi na xayiseka masiku o tala.

Jeremiya 26:17

Se ku to khukha vokari va madhota a ditiko, ve womba ka wotshe msengeletano wa vathu, va txi kha vona:

Mithumo 21:11

Ene a to hi tshuketela e teka libhande la Paulo, a txi ti sunga ngu lona minenge ni mawoko, a txi khene: “Moya wo Sawuleka wu womba tiya: ‘Vajudha va na ya sungisa tona tiya, Jerusalema, dijaha di i ku nyamne wa libhande liya, se va na di ningela manzani ka vamatiko.’ ”

Ezekhiyele 4:1

Txizimu txi ti kha txona: Awe mwanana wa m'thu, teka txitini, u txi txi veka masoni kwako, u bhala ka txona didhoropa da Jerusalema.

Jeremiya 13:1

Mkoma a ti khene kwangu: Tsula u txi ya ti xavela libhandi lo tshura, u sunga txiwununi kwako, na u sa li beta matini.

Ezekhiyele 5:1

Se awe mwanana wa m'thu, teka mesa yo lotwa; nga limo ya kuyola ngu yona, u na yola misisi ni maletu ako; sekoko u na teka txikalo u pimela kuraru misisi ngu txona.