Jeremiya 18:23 - Bhiblia Yo Sawuleka

²³ Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Jeremiya 18:23 Referans Kwoze

Masalmo 35:4

Va na thelwe tingana avale va lavako ku ni daya; va na thave va di kanganyisekile avale va ni pimiselako kubiha.

Isaya 2:9

Koneho, vathu va na namiswa, tinganakana ti na vekwa hahatshi; ngu toneto kha va na mbi divalelwa.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Luka 21:22

nguko masikuyo masiku a kupharela, kasiku totshe ti ti nga bhalwa ti hetiseka.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Jeremiya 15:15

Awe Mkoma, awe wa tiziva, ni alakanye u ni endela; ni tshunde kupharela ka vaxanisi vangu; timisela ngu ngani, u nga ni dhukise; ziva ti taku ni rukwa ngu mhaka yako.

Jeremiya 11:23

Kha ku na mbi sala ni mmweyo wawe; nguko ni na neha dikhombo txitimwi ka vathu va Anatote, ngu dilembe da kutsayiswa kwawe.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Masalmo 59:5

Awe koko Mkoma, Txizimu txa Mabutho a Tiyimbi, Txizimu txa Israyeli, wuka u tsayisa otshe matiko: U ngave ni wumbilu ka ni wihi wa votshe vale va mahako kubiha.

Masalmo 119:126

Mkoma, njikhati txako txa kuthuma; vona va nyenyile mlayo wako.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 26:8

Ngako Jeremiya a di gwitile kutxhumayela, totshe ti a nga rumwa ngu Mkoma kuzivisa votshe vathu, vaphaxeli ni vaprofeti ni votshe vathu, va to kha vona: Ngu ditshuri, u na kufa!

Jeremiya 26:11

Vaphaxeli ni vaprofeti va to gela tinduna ni vathu votshe, va txi kha vona: Awuwa m'thu a fanetwe ngu kufa, nguko a profetile e wukela didhoropa diya, nga ha mi nga tipfa ngu tinzeve tanu.

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Masalmo 56:8

Awe wa tiziva ti ni nga xanisekisa tona, u sengeletile mirongo yangu amu ka txiya, ina totsheto khwa bhala dibhukuni kwako, kani?

Jeremiya 17:18

Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.

Sidilo 3:60

Otshe makungo awe a ku ti dihisela, ni kulwa ni nani u ma woni.

Sidilo 3:61

Awe Mkoma, sipoyilo sawe u si pfite ni makungo awe otshe a kulwa ni nani.