Jeremiya 18:22 - Bhiblia Yo Sawuleka

²² Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Jeremiya 18:22 Referans Kwoze

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Zefaniya 1:16

disthiku da mpundu ni nyandayeyo, si wukelako madhoropa o tsana, ni sitezi so lapha.

Matewu 22:15

Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Isaya 10:30

Kwangula ngutu, awe mwanana wa muhorana wa Galimi, engisa awe Layisi, O awe, txisiwana Anatote!

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

Masalmo 119:85

Va kutiguleta, avale va si khataliko ngu milayo yako, va kete maphala masoni kwangu.

Jeremiya 5:26

Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu.

Jeremiya 20:16

Se m'thuyo a na fana ni madhoropa aawa Mkoma a nga ma hasamula, na asi ti layi. Kambe ene a napfe tihuwa ni mixo, ni huwa ngu mbimo ya mitshikari.

Masalmo 140:6

Ani ni ti khani ka Mkoma: “Awe ngawe Txizimu txangu!” Engisa huwa ya kudila kwangu, awe Mkoma!

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”