Jeremiya 18:21 - Bhiblia Yo Sawuleka

²¹ Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 18:21 Referans Kwoze

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Sidilo 5:3

Athu hi fetwe ngu vatate, vamame vathu va hindukile va txi nga tinoni.

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Dhewuteronome 32:25

Hahanze va na dawa ngu ditxhari, nyumbani va na dawa ngu dizowa; votshe va na fuva: Mazambi ni mahorana, vanana vo mama, hambi ni vo kumba va tinvi.

Eksodha 22:24

se kuhenya kwangu ku na tura, kambe ni na maha a ti to mi txi fuviswa ngu ditshuri; vasikati vanu va na va tinoni, ni vanana vanu va txi maha sikulungu.

2 Timoti 4:14

Alexandre mtshuli, a ni mahete tshofu yo biha ngutu. Mkoma a na mtshumetele madingano ni mithumo yakwe.

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Masalmo 63:10

Vona va na fa ngu ditxhari va na dyiwa ngu sihari sa txitinga!

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Isaya 13:18

Va na fula mazambi ngu malaho awe, hambi vanana va va ku mndani, kha va na mbi pfelwa wusiwana, maso awe kha ma na mbi felela vanana.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Jeremiya 15:7

Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

Jeremiya 50:30

Ngu toneto, mazambi akwe ma na wa tinzilani kwakwe; ni votshe vavamna va yimbi va na tutumiswa ka dona ditshiku dile, kuwomba Mkoma.

Sidilo 1:15

Mkoma a txhipisile totshe tindena tangu hagari kwangu; a sengeletile vathu vo talwa ni majaha angu a ni kandetete a txi nga o suka mauvha ha libangani, ani ni ku dihorana da Judha.

Ezekhiyele 16:38

Ni na ku lamulisa ti va lamuliswako tona va wugango, ni vale va theketako mnoha; ni na gwitisa ku kudaya ngu kuhenya ni txiluse.

Ezekhiyele 22:25

Kukanetisana ka vaprofeti vako kuho hagari ka dona, kufana ni gonyamo yi bhongako, yi txi ñola txihari; va honyolako tithomba ni simwani somaha, ve engetela tinoni hagari ka dona.

Masalmo 63:11

Aniko mfumeli a na tsaka ngu ka Txizimu; va na embelela sidhumiso ava va xambanyako ngu txona, aniko vawombi va makuhu va na malatwa.

Isaya 9:16

Nguko vathangeli va ditiko diya mbakanganyisi, se avale va va thangelako mbalovisi.