Jeremiya 18:20 - Bhiblia Yo Sawuleka

²⁰ Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Jeremiya 18:20 Referans Kwoze

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 35:7

Nguko, va ni riyete, va si nga ni txigelo; va kete diphala va si nga ni txigelo, kasiku ni hojomela ka dona.

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Masalmo 35:12

Va ni tshumetete wunene ngu wubihi, ni sala ni si nga ni tangu.

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Ekleziyaste 10:8

Awule a kelako diphala a na wela ka dona, ni wu a dhodako diseta a na lumwa ngu mnyoka.

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Masalmo 119:95

Avale va mahetelako kubiha va lava ku ni fuvisa, aniko ani ni na alakanyela sileleto sako.

Johani 15:25

kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”

Johani 10:32

Jesu a to va xamula, a txi khene: “Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?”

Jeremiya 14:20

Athu ha ziva kubiha kwathu, awe Mkoma, ni sionho sa vatate vathu, nguko athu hi kuonhete.

Jeremiya 11:14

Ngu konaho, u nga va kombelele vava vathu, u nga thuke u guleta dipswi ngu vona ngu mkombelo, nguko kha ni na mbi va pfa mbimo yi va dilako kwangu, ngu mhaka ya dikhombo dawe.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

Mavingu 17:13

Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

Masalmo 38:20

Vona va ni dihela wunene ngu wubihi, ve ni wukela, kasi ani ni khutala ngu kumaha wunene.

Masalmo 7:15

A kete diphala a txi di hokomisa kambe a tshumete a txi wela ka dona.

Jobe 6:27

Aniko, kukhata, mo xaxuvela tixolo txikulungu, mi dyelelwa, mi ningela walo mngana wanu.

1 Samuwele 19:4

Sekoko Jonatani a to womba-womba ni tate wakwe Sawule ngu wunene wa Dhavhidha, a txi khene: U nga onhe awe mfumeli ngu kuwukela txithumi txako Dhavhidha, nguko ni txona kha txa kuonhela, nguko mithumo ya txona njinene ngutu kwako.

Jeremiya 5:26

Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 18:19

Mkoma, riya nzeve kwangu, u txi pfa mapswi a valala vangu!

Jeremiya 27:18

Ngu konaho, ngako i di vaprofeti, ni kungako mhaka ya Mkoma yi di kumweko navo, khongelani konakuwa, ka Mkoma wa Mabutho a Tiyimbi, ti taku, siya si si nga sala Nyumbani ka Mkoma, ni nyumbani ka mfumeli wa ka Judha, ni Jerusalema, si nga tekwe si txi yiswa Bhabhilona.

Sidilo 3:59

U ti woni awe Mkoma, a ti va ni xanisisa tona; lamula timhaka tangu.

Jeremiya 17:18

Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.