Jeremiya 18:15 - Bhiblia Yo Sawuleka

¹⁵ Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Jeremiya 18:15 Referans Kwoze

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Jeremiya 2:32

Ina m'horana a nga divala wubombi wakwe, mwendo wa ku ngadi kulowolwa kudivala sihiwa sakwe kani? Kambe ditiko dangu di ni divate kale.

Isaya 57:14

Se ku na wombwa taku: Lulamisani, lulamisani, longiselani nzila; thavisani sitsha ka nzila ya vathu vangu.

Malakiya 2:8

Kambe anu mi lekile nzila, mi mahile ti to vavangi ve leka mlayo, mi onhile txitumelelano txa Levhi, kuwomba Mkoma wa Mabutho a Tiyimbi.

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Matewu 15:6

khaswi a txi kurumetwa kuvhuna tate wakwe mwendo mame wakwe.’ Ngu toneto, mi onhile Mlayo wa Txizimu, ngu sihena sanu.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 13:25

Atxiya ngu txona txiningo txako, atxi ni ku dinganako, kuwomba Mkoma; nguko u ni divate, u themba makuhu.

Jeremiya 3:21

Mimwayani ko pfala dipswi da sidilo ni kudikwila ka vanana va ka Israyeli; nguko vona va bihisile tinzila tawe, va divate Mkoma, Txizimu txawe.

Varoma 14:21

Ti tshurile ngako u si dyi nyama, u si seli vhinya, u si mahi txilo txihi ni txihi txi khuvekisako mkwanu.

Jeremiya 44:25

Mkoma wa Mabutho a Tiyimbi, Txizimu txa Israyeli, a womba tiya: Anu ni vasikati vanu kha ma womba dwe ngu txisofu txanu, aniko kambe mi ti mahile ngu manza anu, mi txi khanu: Ngu ditshuri hi na maha ati hi nga thembisa, ta kuhisela dibaselo Mfumeli wa txisikati wa Nzumani, ni ku mninga miphaxo; ngu ditshuri mi tsanisile sixambanyo sanu, kambe ngu ditshuri mi mahile sixambanyo sanu.

Jeremiya 19:5

va akete Bhahali makhalo o guleka, kuva va txi na hisela kona vanana vawe ngu mndilo kota miphaxo yo hiswa ya Bhahali; ati ni nga mbi va laya, hambi ku va gela, mwendo ku ti alakanya.

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 9:16

Nguko vathangeli va ditiko diya mbakanganyisi, se avale va va thangelako mbalovisi.

Isaya 3:12

Vaxanisi va vathu vangu mbanana, se vavasikati ngu vona va ku mu ko duketa wukoma. Yowe! Vathu vangu! Ava va mi thangelako, va mi xenga, va mi onhela nzila yi mi tsimbilako ngu yona.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Jeremiya 18:14

Ina i hunguva ya Libhanoni yi nga siya mimango ya marigwi a txitinga kani? Mwendo mati o titila ma khulungako ma txita ngu kule ma nga phwa kani?

Jeremiya 51:18

Kha yi vhuni txilo mithumo ya wukanganyisi wawe: Mbimo yi ani ni no va tsayisa, va na lova.

Ezekhiyele 21:15

Kasi ku ti txi thidhela timbilu tawe, ku txi tala siphariyeta, ka sotshe sike sawe, ni vekile tshoka ya ditxhari, do fana ni nyangafula, yo rumelwa kuya daya!

Ezekhiyele 36:15

Kambe ni na maha taku, ku si ngadi kupfala kambe kulwa ka vamatiko; se khu na mbi ngadi u teka sile u nga honyola ka mamwani matiko, hambi ku ngadi u txi dayela vanana va ditikoni kwako, kuwomba Mkoma Txizimu.

Hoseya 2:6

Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe.

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Jeremiya 11:12

Sekoko madhoropa a ka Judha ni vazumbi va Jerusalema, va na ya dila ka sizimu sile va nga si hisela dibaselo, aniko lambi va na mbi va hulukisa ka ditshiku da dikhombo dawe.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.