Jeremiya 18:11 - Bhiblia Yo Sawuleka

¹¹ Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Jeremiya 18:11 Referans Kwoze

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jeremiya 7:3

Mkoma wa Mabutho a Tiyimbi, Txizimu txa ka Israyeli, a khene: Txhukwatisani mahanyelo anu ni mithumo yanu, sekoko ni na mi tumela kusimamisa mi aka ka wuwa wukhalo.

Jeremiya 25:5

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya Mkoma a nga mi ninga ni vatate vanu, kukhukhela kaleko kala kupinduka.

Jakobe 5:1

Engisani, anu vanyatithombe, dilani mi txi peka tihuwa ta hombe ngu makhombo awa ma no mi wela.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Zakariya 1:3

Ngu toneto, va gele ku khawe: Mkoma wa Mabutho a Tiyimbi a khene: Tshumelelani kwangu, kuwomba Mkoma wa Mabutho a Tiyimbi, se nani ni na tshumelela kwanu, kuwomba Mkoma wa Mabutho a Tiyimbi.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”

Ezekhiyele 18:23

Ina ani ni ndi na tsaka ngu kufa ka wo biha kani? Kuwomba Mkoma Txizimu; kha ni tsakeli ku e hunduluka ka tinzila takwe e hanya kani?

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Jeremiya 36:3

Mwendo va ka Judha va na engisa kubiha kotshe ku ni xuvako ku va mahela; ati taku mmweyo ni mmweyo a txi hunduluka nzilani kwakwe ko biha, ni txi tsetselela wubihi wakwe ni txionho txakwe.

Jeremiya 26:13

Ngu konaho, phemberusani koko mahenyelo anu ni simaho sanu, mi txi engisa dipswi da Mkoma, Txizimu txanu, sekoko Mkoma a na hunduluka ka dikhombo di a ngadi womba ngu nganu.

Jeremiya 26:3

Mwendo va na engisa, mmweyo ni mmweyo a txi hunduluka ka nzila yakwe yo biha, kasi ni si va neheli dikhombo di ni nga xuva ku va mahela, ngu mhaka ya simaho sawe so biha.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Jeremiya 11:19

Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.

Jeremiya 4:23

Ni woni mafu, ma si nga ni txiwumbeko ma si nga ni txilo; ni nzumani, ku si nga ni kuwonekela.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

2 Vafumeli 22:13

Tsulani mi ya wotisa ngu ditina dangu, ni da vathu vangu, ni da kotshe amuwa Judha, madingano ni mapswi a dibhuku diya di nga manwa; nguko kuhenya ka Mkoma nga hombe, kuturako txitimwi kwathu, nguko vatate vathu kha va pfisisa mapswi a dibhuku diya, ti to ve maha totshe ti hi nga bhalelwa.

2 Vafumeli 5:5

Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 25:2

Dipswi diya mprofeti Jeremiya a nga gela ditiko dotshe da ka Judha ni ka votshe va zumbako Jerusalema, a txi khene:

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.

1 Vafumeli 22:23

Kona kuwa koko, Mkoma a vekile moya wa makuhu, sisofuni ka votshe vaprofeti vako, kambe Mkoma a wombile ngu ku kuwukela.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Jeremiya 19:3

U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.