Jeremiya 17:8 - Bhiblia Yo Sawuleka

⁸ Nguko a na fana ni mndonga wu wu nga phawa hafuhi ni mati, awuwa mitwi ya wona yi navako kala matini. Hambi kuva ni lisani kha wu thavi, aniko mazokoro a wona mo simama me nyuka. Kha wu karateki hambi i di dilembe do mbawa mati, hambi kuleka kuveleka mihando.

Jeremiya 17:8 Referans Kwoze

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Ezekhiyele 47:12

Se hafuhi ni txinambwana, likasani ka kona, ka didhawa dimwedo ni dimwani, ku na mila totshe tixaka ta mindonga yo ninga mihando yo dingana kudyiwa; mazokoro a yona kha ma na mbi mora, hambi kuluzeka mihando ya kona; ngu mitxima ya kona yi na veleka mihando ya yiphya, nguko mati a kona ma huma ngu ko sawuleka; se mihando ya kona yi na maha yo dyiwa, aniko dizokoro da kona mrende.

Jobe 8:16

a wuna di si se huma ditambo, mazokoro akwe a maphya, ma huma thembweni kwakwe;

Jobe 29:19

Mikoloti yangu yi ti ti nava hafuhi ni mati, se mwando wu ti ti zumba txitimwi ka madhavi angu;

Mavingu 11:28

Awule a thembako ka tithomba takwe a na wa, aniko vo lulama va na fana ni mwasi wo nakana.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Jeremiya 39:18

Kambe ni na ku xanguta, khu na mbi dawa ngu ditxhari; aniko wutomi wako u na wu honyola nguko u ni thembile, kuwomba Mkoma.

Ezekhiyele 31:3

Wona taku Asiriya i ti ti mkedhari Libhanoni, wa madhavi o tshura, a mitsudi ya sididi, na ma di laphile, tshoka ya kona yi ti ti hagari ka madhavi o txhuma.