Jeremiya 17:4 - Bhiblia Yo Sawuleka

⁴ Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 17:4 Referans Kwoze

Jeremiya 15:14

Ni na kumaha u thumela valala vako ka ditiko di u si di ziviko; nguko mndilo wa kuhenya kwangu wu dhivetwe, awu wu no mi hisa.

Sidilo 5:2

Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Jeremiya 16:13

Ngu konaho, ni na mi tshotsha hahanze ka diya ditiko, mi txi ya ka ditiko di mi si di ziviko, anu, hambi vatate vanu; mi na ya si thumela kona simwani sizimu wusiku ni mitshikari, nguko na mbi mi pfela wumbilu.”

Isaya 14:3

Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Ezekhiyele 21:31

Kambe ni na tshakunuta txitimwi kwako kuhenya kwangu, ni na futeta kwako mndilo wa kuhenya kwangu, ni txi kuningela manzani ka vavamna va sigevenga, i ku vanyamne va wuhasamuli.

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Nehemiya 9:28

Aniko, va di mani kuhumula, va to tshumela ve maha kubiha masoni kwako; se u to va leka manzani ka valala vawe, va txi va fumela; se mbimo yile va nga hindukula va txi kwangula kwako, awe u va engisile u di nzumani, u va hulukisa sikhati so tala ngu mhaka ya wumbilu wako.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Jeremiya 2:14

Ina Israyeli a ngava i di txithumi kani? Mwendo i khumbi ya maveleko kani? Ngu kutxani a handwako kani?

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.