Jeremiya 17:3 - Bhiblia Yo Sawuleka

³ O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.

Jeremiya 17:3 Referans Kwoze

Jeremiya 15:13

Ni na ningela thundu yako ni tithomba tako ti taku si txi handwa, na ti sa xavwa, ngu mhaka ya sionho sotshe sako ka dotshe ditiko dako.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Ezekhiyele 16:39

Se ni na kuningela manzani kwawe, va na wisa nzuma yako, kambe va na onhetela makhalo ako o guleka, va txi kuambula syambalo sako, ve teka singwavila sako sa ku ti tshurisela ngu sona, va na kusiya u di tximbwiri u sa fenengela txilo.

Ezekhiyele 6:3

Se u na khawe: Anu mimango ya Israyeli, engisani dipswi da Mkoma Txizimu: Mkoma Txizimu a khene ka mimango, ka simangwana, ka sinambwana ni ka mikova: Wonani taku ani, ina, ani nipune, ni na tisa ditxhari txitimwi kwanu, ni nata khundumusa makhalo anu o guleka.

Sidilo 1:10

Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Zefaniya 1:13

Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Ezekhiyele 23:46

Nguko Mkoma Txizimu a khene: Ni na va maha ve lwiswa ngu msengeletano, ni txi va ningela ve thaviswa ditikoni, va txihandwa.