Jeremiya 17:27 - Bhiblia Yo Sawuleka

²⁷ Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Jeremiya 17:27 Referans Kwoze

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Amosi 1:14

Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

Ezekhiyele 22:8

U txhipisile siya sangu so sawuleka, kambe u nyenyezisile Masabbata angu.

Sidilo 4:11

Mkoma Txizimu a hetisile kupandiseka kwakwe a kusute mndilo wa txiviti txakwe. Wu txi hisa m'ti wa Siyoni, wu txi hetisa ni makhato a wona.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 49:27

Ni na dhivela mndilo digumani ka Dhamasku, awu wu no hisa tinyumba ta hombe ta Bhenadhadhi.

Jeremiya 39:8

Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Amosi 2:2

Ngu toneto, na veka mndilo ka Mowabhi wu na tshokomisa tinyumba ta wukoma ta Keriyoti; se Mowabhi a na fela hagari ka diguwa da hombe, ni sidilo ni kuveta ka titshodi.

Amosi 1:12

Ngu toneto, ni na veka mndilo kona Temani, se wona wu na tshokomisa tinyumba ta wukoma ta Bhozira.

Amosi 1:10

Ngu toneto, ni na veka mndilo ka diguma da Tiro, se wu na tshokomisa tinyumba tawe ta wukoma.

Amosi 1:7

Ngu toneto, na veka mndilo ka diguma da Gaza, se wu na tshokomisa tinyumba ta wukoma.

Amosi 1:4

Ngu toneto, ni na veka mndilo mitini ka Hazayeli, se wu na tshokomisa tinyumba ta wukoma ta Bheni-Hadhadi.

Ezekhiyele 16:41

Se va na hisa tinyumba tako ngu mndilo, ve lamula ngu kuweketa, masoni ka vavasikati votala; kambe ni na wilisa wugelegele wako, khu na mbi ngadi u hakela txilo.

Jeremiya 44:16

Kasi ngu dipswi di u nga hi zivisa ngu ditina da Mkoma, kha hi na mbi kuxonipha awe;

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 22:5

Aniko ngako mi si engisi tiya timhaka, na xambanya ngu wutumbu wangu, kuwomba Mkoma, a ti taku ayiya nyumba yi na va dirumbi.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Jeremiya 17:24

Ngako koko, mi txi ni engisa, kuwomba Mkoma, mi si wuleti mirwalo sidingeni ka didhoropa diya ngu ditshiku da Sabbata, kambe mi sawulekisa ditshiku da Sabbata, mi nga thumeni mthumo ngu dona;

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 6:17

Ni vekile vawoneleli hagari kwanu, ni txi khani: Pfanani kutuma ka mpundu. Aniko va xamute, va txi khani: Kha hi na mbi ku engisa.

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Masalmo 122:7

Ku nave ni kudikha mndani ka maguma ako ni kuhumelela tinyumbani kwako ka wukoma.

Jeremiya 18:1

Di tile dipswi da Mkoma ka Jeremiya, di txi kha dona:

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Ezekhiyele 21:15

Kasi ku ti txi thidhela timbilu tawe, ku txi tala siphariyeta, ka sotshe sike sawe, ni vekile tshoka ya ditxhari, do fana ni nyangafula, yo rumelwa kuya daya!

Ezekhiyele 23:38

Timwani va nga ni mahela ngu tiya: Va nyenyezisile nyumba yangu yo sawuleka, ka dona ditshiku edo, ve nyenyezisa Masabbata angu.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.