Jeremiya 17:25 - Bhiblia Yo Sawuleka

²⁵ sekoko ku na wuletwa ngu sike sa diya didhoropa, vafumeli ni manganakana va va nga khalahatsha txikhaloni ka wukoma ka Dhavhidha, na va di mu ka sikotxikani si ndindwako ngu mahantxhi, ve londetelwa ngu manganakana awe, ni vathu va ka Judha, ni vazumbi va Jerusalema; didhoropa diya di na va ni vathu kala kupinduka.

Jeremiya 17:25 Referans Kwoze

Jeremiya 22:4

Nguko ngako mi txi engisa mhaka yiya, ku na wulelwa ngu sike sa nyumba yiya vafumeli va nga khalahatsha txikhaloni ka wukoma ka Dhavhidha, na va di mu ka sikotxikani ni kugadha mahantxhi, kumweko ni sithumi sawe ni vathu vawe.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Jeremiya 33:21

se txitumelelano txangu ni Dhavhidha, txithumi txangu, txi nga funyeka, ti taku asi nja ngave ni mwanana wo fuma txituluni kwakwe ka wukoma; kumweko ni Valevhi i ku vaphaxeli va va ni thumelako.

Jeremiya 33:17

Nguko Mkoma a khene: Dhavhidha kha na mba dhuka e pwata m'thu a zumbako ha txikhaloni ka wukoma ka nyumba ya Israyeli;

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

Jeremiya 13:13

Sekoko u na khawe kwawe: Mkoma a khene: Wonani tito, votshe va zumbako ka diya ditiko, ni vafumeli va va zumbako ha txikhaloni ka mfumo wa Dhavhidha, ni vaphaxeli ni vaprofeti, ni votshe va va zumbako Jerusalema, ni na va levisa.

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

1 Samuwele 8:11

a txi khene: Txihena txa mfumeli wu a no fuma txitimwi kwanu, ngu txiya: A na teka vanana vanu e va maha va tsimbitisi va sikotxikani sakwe ni kuva vagadhi va mahantxhi akwe, kasiku ve tutuma masoni ka sikotxikani sakwe.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Jeremiya 22:2

Pfana mhaka ya Mkoma, awe mfumeli wa ka Judha, u ku ha ka txikhalo txa wufumeli txa Dhavhidha, awe ni sithumi sako, ni vathu vako ava va wulelako ngu sike siya.

Jeremiya 25:5

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya Mkoma a nga mi ninga ni vatate vanu, kukhukhela kaleko kala kupinduka.

Jeremiya 7:3

Mkoma wa Mabutho a Tiyimbi, Txizimu txa ka Israyeli, a khene: Txhukwatisani mahanyelo anu ni mithumo yanu, sekoko ni na mi tumela kusimamisa mi aka ka wuwa wukhalo.

Jeremiya 7:7

sekoko ni na mi maha mi aka ka wuwa wukhalo, ka ditiko di ni nga ninga vatate vanu kala kupinduka.