Jeremiya 17:21 - Bhiblia Yo Sawuleka

²¹ Mkoma a khene: “Ti woneleni, mi nga rwaleni mirwalo ngu ditshiku da Sabbata, mi nga yi wuleteni Jerusalema ngu sike sa kona.

Jeremiya 17:21 Referans Kwoze

Dhewuteronome 11:16

Ti woneleni timbiluni kwanu, mi si phazami, mi txi hambukiswa, mi ya khozela simwani sizimu, mi txi khizama masoni ka sona,

Dhewuteronome 4:23

Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.

Dhewuteronome 4:15

“Ti woneleni ta tinene anu mipune, anu kha ma wona txifananiso ni txa tximwetxo, ka ditshiku dile Mkoma a nga womba-womba kwanu, kona mmangoni ka Horebhi, a di hagari ka mndilo;

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Luka 8:18

Ngu konaho, ti engiseni kha kwati ati ni mi gelako. Nguko awuwa a ku naso, a na engetelwa; aniko awu a ku si nga naso, a na tekelwa ni si a nga ti si themba ku a naso.”

Marku 4:24

A to engeta a txi khene kwawe: “Riyani tinzeve ka ti mi ti engisako. Mpimo wu mi pimelako vamwani ngu wona, na nanu mi na pimelwa ngu wona ngu Txizimu, se mi na engetelwa.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Joxuwa 23:11

Ngu toneto, ti karateni ngutu, kasi ku mi txi randa Mkoma, Txizimu txanu.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Isaya 56:2

A katekile m'thu wu a no maha eto, ni mwanana wa m'thu wule a namarelako ka tona, a si nyamisiko ditshiku da Sabbata, ni kuxayisa dianza dakwe ku di si mahi to biha.

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Eksodha 20:8

Alakanya ditshiku da Sabbata, u txi di sawulekisa.