Jeremiya 17:18 - Bhiblia Yo Sawuleka

¹⁸ Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.

Jeremiya 17:18 Referans Kwoze

Masalmo 35:4

Va na thelwe tingana avale va lavako ku ni daya; va na thave va di kanganyisekile avale va ni pimiselako kubiha.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Masalmo 40:14

Va na thelwe tingana votshe vale va lavako ku ni daya. Va na tshumelele msana ve xowoka ngu tingana votshe vale va ni navelelako makhombo!

Masalmo 35:8

Va na humelwe ngu dikhombo di di si ziviko kuwonwa! Va na bzwetwe ngu mlawu wu va nga ni riyela ngu wona! Va txi wa mu ka diphala di va ngadi kela!

Mtuletelo 18:6

M'tshumeteleni ngu ti nene a nga mi mahela tona. M'diheleni kambidi madingano ni mithumo yakwe ka digombe di a nga thela ngu dona so sela anu mu theleleni kambidi.”

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Masalmo 71:1

Mkoma, ani ni themba awe; u nga ni leke ni wiswa tingana kala kupinduka.

Masalmo 70:2

Va na kanganyiseke va txi thelwa tingana avale va lavako ku ni daya; va na khukhe va ve tutuma ngu tingana avale va tsakelako dikhombo dangu!

Jobe 16:14

Txi ni phatulela ngu tivandwa txitimwi ka tivandwa; txi ti rinza kwangu kufana ni m'thu wa mtamo.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 17:19

Mkoma a ti khene kwangu: Tsula u txi ya ema ha txikeni ka vanana va ditiko, ahawa va wulelako ngu kona vafumeli va ka Judha, va humako ngu kona, u txi ema ni ka sotshe sidinge sa Jerusalema;

Dhewuteronome 33:11

Mkoma katekisa mtamo wawe, u amukela mthumo wa manza awe! Phwarasa titsho ta vale va va wukelako va txi va xanisa, kasi ku va si sikoti kukhukha va txi ema.