Jeremiya 17:17 - Bhiblia Yo Sawuleka

¹⁷ U nga ti mahe txidhusa kwangu; awe u ku wuthavelo wangu, ka ditshiku da dikhombo.

Jeremiya 17:17 Referans Kwoze

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Masalmo 59:16

Aniko, ani ni na embelela mtamo wako; ni mixo, ni na dhumisa ngu litsako wumbilu wako, ngu ku uve wuthavelo wangu wo guleka ngutu, ni m'vhikeli wa da ditshiku da kuxaniseka kwangu.

Jobe 31:23

Nguko txitsayiso txa Txizimu i ti ti txidhusa kwangu, se ani ni si sikoti kutsana ka wuhombe wa txona.

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 17:7

A katekile m'thu wu a thembako Mkoma, awu kuthemba kwakwe i ku Mkoma.

Masalmo 41:1

A katekile m'thu wu a alakanyako txisiwana; Mkoma a na m'hulukisa ka dikhombo.

Vaefesu 6:13

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.