Jeremiya 17:16 - Bhiblia Yo Sawuleka

¹⁶ Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Jeremiya 17:16 Referans Kwoze

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Amosi 5:10

Va venga wu a emako ni to lulama habanza, ni kunyenya wu a wombawombako ditshuri.

Jeremiya 15:15

Awe Mkoma, awe wa tiziva, ni alakanye u ni endela; ni tshunde kupharela ka vaxanisi vangu; timisela ngu ngani, u nga ni dhukise; ziva ti taku ni rukwa ngu mhaka yako.

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.