Jeremiya 17:14 - Bhiblia Yo Sawuleka

¹⁴ Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.

Jeremiya 17:14 Referans Kwoze

Masalmo 6:2

Telwa ngu wumbilu ngu ngani, Mkoma, nguko na thidhela; ni kondete, Mkoma, nguko marambu angu ma dhudhumela.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Masalmo 109:1

Awe Txizimu txa kudhumisa kwangu, u nga malale.

Masalmo 6:4

Wuya, Mkoma, u ta hulukisa moya wangu; ni hanyise, ngu wumbilu wako.

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Matewu 14:30

Aniko txikhati txi a nga pfa diphuho kuvhukuka, a to telwa ngu dizowa, e khata kubhwabhwamela, e peka huwa, a txi khene: Mkoma ni hulukise!”

Jeremiya 31:18

Ni pfite Efrayime atxi titsetsa, a txi khene: U ni tsayisile, ni txi kwapwa kufana ni txidhunana txa kwa mbi tolovela dikange, ni hunduluse, ni na hunduluka, nguko ngawe Mkoma, Txizimu txangu.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Matewu 8:25

Vagondiswa vakwe va to mtshuketela, va txi mu wusa va txi kha vona: Mkoma hi hulukise, ha lova.”

Masalmo 148:14

Ene a ningile mtamo ni mfumo ka vathu vakwe, kasiku vasawuleki vakwe va txi m'dhumisa; vona vanana va ka Israyeli, i ku ngamu yakwe a yi randako. Dhumisani Mkoma!

Masalmo 60:5

Ni ti to ve poniswa avale u va randako. Hi xamule, u txi hi hanyisa ngu diwoko dako da txinene!

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Mitengo 12:13

Se Mosi a to dila ka Mkoma, a txi khene: Txizimu txangu, “na ku kombela ti to u mninga kukalamuka Miriyamu!”

Masalmo 54:1

Ni hanyise, awe Txizimu! Kulisa ditina dako! Komba mtamo wako, u txi ni lamulela!

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Masalmo 6:3

Ni wona moya wangu, Mkoma, wa dhudhumela. Ni na kurinzela kala ditshiku muni, kani?

Masalmo 119:94

Ni hanyise nguko ni wako ani na londeta sileleto sako!