Jeremiya 17:13 - Bhiblia Yo Sawuleka

¹³ Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Jeremiya 17:13 Referans Kwoze

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

Mtuletelo 21:6

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

Isaya 1:28

Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Jeremiya 14:8

Awe u kuthemba ya Israyeli, Muhanyisi wathu ka mbimo ya sikarato, ngu kutxani u txi nga u wa matiko ditikoni, nga muendi wu a hambukako kasi e fungala wusiku wumwewo kani?

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Masalmo 73:27

Nguko ava va zumbako kule ni nawe va na lova; awe wa va fuvisa votshe vale va ku phikizako.

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

1 Timoti 1:1

Ani Paulo, mpostoli wa Jesu Kristu ngu kurumwa ngu Txizimu Muhanyisi wathu, ni kurumwa ngu Jesu Kristu, txithembo txathu:

Mithumo 28:20

Ngu konaho ni nga mi dhana kasi ku ta mi wona, ni kuwombawomba ni nanu, nguko ni sungilwe ngu titxhini tiya ngu mhaka ya kuthemba ka Israyeli.”

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Ezekhiyele 36:32

Kha ni mahi tiya ngu ku mi randa, kuwomba Mkoma Txizimu; ti woneni: Wanani tingana, ni kukanganyiswa ngu tinzila tanu, anu nyumba ya ka Israyeli.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Jeremiya 17:17

U nga ti mahe txidhusa kwangu; awe u ku wuthavelo wangu, ka ditshiku da dikhombo.

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Mavingu 14:14

M'thu wa mbilu yo mbi thembeka a na kolwa ngu tinzila takwe, aniko m'thu wamnene, a na ti khurisa apune.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Masalmo 22:4

Awe va ku thembile vatate vathu; va ku thembile, se awe u va hulukisile.

Masalmo 71:5

nguko awe, Mkoma, kukhukhela ha wananani kwangu u kuverela kwangu ni themba yangu.

Jeremiya 17:18

Nga va txi goo tingana va va ni xanisako, aniko ani nga ni si wiswi tingana; nga va txi dhudhumela, aniko ani nga ni si dhuki ni dhudhumela. Va tisele ditshiku da dikhombo, u txi va hasamulela kumbidi.

Jeremiya 19:4

Nguko va ni lekile, ve nyenyezisa wukhalo wuwa, nguko va nga hisa dibaselo ka simwani sizimu, eso va nga mba si ziva, vona ni vakokwani vawe ni vafumeli va ka Judha; va tatile wukhalo wuwa ngu mnoha wa va va singako ni mnandu;

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Ezekhiyele 13:9

Se dianza dangu di na lwisa vaprofeti vale va wonako ta manyala ni kuhuta makuhu; kha va na mbi maneka ka msengeletano wa vathu vangu, kambe kha va na mbi bhalwa ka nyumba ya ka Israyeli, hambi kuwulela ditikomi ka Israyeli; se mi na tiziva taku ani ngani Mkoma Txizimu.

Zakariya 9:12

Tshumelani miya mkhokholani, anu tikhumbi ta txithembo; kambe nyamsi, na mi zivisa taku ni na mi tshumetela kumbidi.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Masalmo 69:29

Aniko ani ni pandisekako ni kuxaniseka, ni wuse, u txi ni hanyisa, awe Txizimu.