Jeremiya 17:11 - Bhiblia Yo Sawuleka

¹¹ Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Jeremiya 17:11 Referans Kwoze

Mavingu 28:20

M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

Mavingu 21:6

Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Jeremiya 22:13

Dikhombo ka wule a akako nyumba yakwe ngu kwa mbi lulama ni sibhiya sa kwa mbi na madingano; awu a thumisako m'thu-kulowe asi mu holeli, ni kambe kha m'diheli tile a mmahelako.

Mavingu 28:8

Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

2 Pedro 2:14

Maso awe ma tate ngu wugango, kha ma kolwi ngu sionho; se va lava ku ndindela txionhoni ava i ku vo mbi tsana; mbilu yawe yi tolovete makolo. Vona mbanana vo ruketelwa.

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

Zefaniya 1:9

Ni na tsayisa kambe ka ditshikuedo votshe vale va ndakako mtshunzuti, va tatako tinyumba ta vanyamne vawe ngu so honyola ngu kulwisa ni kukanganyisa.

Mavingu 28:22

Awule a ku ni diso do biha, a tutumela tithomba, kambe kha ti zivi taku wusiwana wu nata kwakwe.

Mavingu 13:11

Thomba yo manwa ngu wukanganyisi yi na boxa, aniko awule a yi manako ngu kuthuma, a na engetelwa.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

1 Timoti 6:9

Se ava va lavako kumaha vanyatithombe, va wa kudukwani ni kuriyelwani ni minavelo yo tala ya wubhemba ni ya kuyisa tiphangoni, yi yisako vathu kulovani, ni kumwalatwani.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Mika 2:9

Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Mavingu 28:16

Mthangeli wo pwata mapimo nene wa engetela kutsindaveta, kambe awule a vengako kutikulisa a na engetelwa masiku.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Masalmo 49:13

Ayiya ngu yona nzila ya vale va ti thembako ngutu vapune; magwito a vale va ti dhumisako ngu mapswi awe.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Jeremiya 8:10

Ngu konaho ni na ningela vasikati vawe ka vamwani, ni tithembwe tawe ka va va no ti honyola. Nguko votshe va ti ningetete mu ko navela, kukhukhela ka wam'dotho kala ka wa hombe, kukhukhela ka vaprofeti kala ka vaphaxeli, votshe va kanganyisa.

Jobe 20:21

Kha na mbi salelwa ngu txilo txo dya; ati tiku thomba yakwe kha yi na mbi va ya mbimo yo lapha.