Jeremiya 17:10 - Bhiblia Yo Sawuleka

¹⁰ Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Jeremiya 17:10 Referans Kwoze

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Varoma 8:27

Se awule i ku ene a zivako ta mbiluni ka m'thu, wa yi ziva minavelo ya Moya, nguko wona wu kombelela vasawuleki ka tiya ti tsimbilako ngu nzila ya kuranda ka Txizimu.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

Jeremiya 20:12

Aniko, Mkoma wa Mabutho a Tiyimbi, awe u xolako va vo lulama; awe u wonako mapimo awe ni timbilu. Ni na wona ngako u txi ni pharelela ka vona, nguko ni kuzivisile mhaka yangu.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Mtuletelo 22:12

Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Masalmo 62:12

Ni wona wunene mbwako, Mkoma u hakelako m'thu, madingano ni mithumo yakwe.

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

2 Makronika 6:30

va engise u di nzumani, ka txikhalo txi u zumbako ka txona, divalela, ninga ka mmweyo ni mmweyo madingano ni mahanyelo akwe, ni ti u wonisako tona mbilu yakwe, nguko ngawe wekha u zivako timbilu ta vanana va vathu.

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Mika 7:13

Kambe ditiko diya di na hasamulwa, ngu mhaka ya vaaki va dona, ni mhaka ya mihando ya mithumo yawe.

Matewu 6:4

ti to asi u ningako si zumba kusisalani; se Tate wako a wonako kusisalani a na kutshumetela.”

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

Masalmo 44:21

ina Txizimu kha txi na mbi tiziva tona eto kani? Nguko txona txa ziva txihunja txa mbilu yathu.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Ezekhiyele 11:5

Moya wa Mkoma koko wu to khandama txitimwi kwangu, wu txi kha wona: Womba u txi khawe: Mkoma a khene: Anu vathu va ka Israyeli mi khanu, ati ti mahekako kwanu na tiziva.

Ezekhiyele 14:5

kasi kuñola nyumba ya ka Israyeli mbiluni kwakwe, va to tsula kule ni nani, ve londeta sithombe sawe.

Jobe 34:11

Nguko, txi tshumetela m'thu, madingano ni mithumo yakwe; txi maha ti to m'thu ni m'thu e mana, madingano ni dihanyo dakwe.

Masalmo 7:10

Txitxhavangu txangu txi ni vhikelako i Txizimu, Muhanyisi wa timbilu to lulama.

Masalmo 44:22

“Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”