Jeremiya 16:5 - Bhiblia Yo Sawuleka

⁵ Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.

Jeremiya 16:5 Referans Kwoze

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Mtuletelo 6:4

Se ku to humelela dimwani dihantxhi, do bhilivila, se mgadhi wa dona a ti ningilwe mtamo wo thavisa kudikha ha mafuni, kasiku vathu ve dayana vapune. A ningilwe kambe ditxhari da hombe.

Zakariya 8:10

Nguko ma sinzi kuhoka masiku awa, ku si nga ni kuholelwa ka vathu, hambi ni kudihelwa ka sifuyo; kambe ku ti si nga ni kudikha ka wule a nga ti ti wulela, ni ka wule a nga ti ti huma, ngu mhaka ya mlala, nguko ani ni kujetete votshe vathu, ti to mmweyo ni mmweyo e wukela mmwani m'thu.

Masalmo 25:6

Mkoma, khumbula wunene wako, ni wumbilu wako nguko i kale u txi hi mahela toneto.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Jeremiya 13:14

Ni na va phwatisa ve gumulana, vatate ni vanana, kuwomba Mkoma. Kha ni na mbi va divalela, hambi ku va tsetsa. Kha ni na mbi va ni wumbilu ha ka ku ni si va lovisi.

Jeremiya 16:13

Ngu konaho, ni na mi tshotsha hahanze ka diya ditiko, mi txi ya ka ditiko di mi si di ziviko, anu, hambi vatate vanu; mi na ya si thumela kona simwani sizimu wusiku ni mitshikari, nguko na mbi mi pfela wumbilu.”

Sidilo 3:17

A rethete kule kudikha ka moya wangu, ni divala ni litsako.