Jeremiya 16:4 - Bhiblia Yo Sawuleka

⁴ Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 16:4 Referans Kwoze

Jeremiya 25:33

Ava va nga dawa ngu Mkoma, va na mbambamela ha mafuni, kukhukhela ka likasa limwelo kala ka limwani likasa la mafu; kha va na mbi dilwa, hambi kusengeletwa, hambi kutshotshwa, va na maha fenze ha mafuni.

Masalmo 83:10

Va mbambamisilwe ditikoni ka Endori sirumbi sawe si sina mafuni!

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.

Jeremiya 34:20

Ni na va ningela manzani ka valala vawe, ni manzani kava va va xuvelako kufa, sirumbi sawe si na dyiwa ngu sinyana sa nzuma ni sibanda sa mafu.

Jeremiya 7:33

Sirumbi sa vanana vathu si na dyiwa ngu sinyana sa nzuma ni sihari sa txitinga; kha ngaho a no si dinda.

Isaya 18:6

Vona va na lekwa hafuhi ni sinyana sa mimangoni, ni ka sihari sa ha mafuni; se sinyana si na vadya ngu mbimo ya malanga, kambe sotshe sihari sa txitinga si na vadya ngu mbimo ya wuxika.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Jeremiya 44:27

Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Masalmo 78:64

Vaphaxeli va datwe ngu ditxhari tinoni tawe kha ta sikota ku va saluka.

2 Vafumeli 9:10

Se timbwa ti na dya Jezabheli thembweni ka hafuhi ni Jezireyeli; kha na mbi tshotshwa ngu m'thu. Msana keto, mprofeti wule wa dijaha a to tula ditimba, e huma ngu kututuma.

Jeremiya 44:12

Ni na teka misalela ya Judha, va nga veka tikhohe tawe kuve va txi na wulela Egipta, kasi kuya luvela kona, se va na ya guma votshe ditikoni ka Egipta; va na hetwa ngu ditxhari, ni kufa ngu nzala; va na hetana kukhukhela ka mwanana kala ka wa hombe; ngu ditxhari ni nzala va na fa: Va nava txisekiso ni txixamaliso, txiruko ni txinyenyeko.

Dhewuteronome 28:26

txirumbi txako txi na va i di sakudya ka sinyana sa nzuma, ni sa sihari sa mafu; eho kha ku na mbi va ni wammweyo wa ku si dinda.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Sidilo 4:9

Avale va nga dawa ngu ditxhari, va katekile kupinda vale va nga dawa ngu nzala, i ku vale va nga sika va txi goma, ngu kupwateka ka mihando tithembweni.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Dhewuteronome 28:22

Mkoma a na kupeka ngu malwati a ndere ni txindeyandeyane, ni kusimba, ni kuhisa, ni lisani, ni kusina ka timbewu, ni kubhirela, asi si no kunamarela kala u txi fuva.

Jeremiya 21:6

Ni na xasela vazumbi va didhoropa diya, vathu ni sihari, va na fa ngu mtungu wa hombe.