Jeremiya 16:21 - Bhiblia Yo Sawuleka

²¹ “Ngu konaho ni na va maha ve ziva, ni na va maha ve ziva dianza dangu ni mtamo wangu, kambe va na ziva taku ditina dangu, ngani Mkoma!”

Jeremiya 16:21 Referans Kwoze

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Jeremiya 33:2

Kuwomba Mkoma awu a thumako mthumo wakwe, awu a longiselako ni kumaha; i Mkoma ditina dakwe:

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Amosi 5:8

Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Eksodha 15:3

Mkoma ngene i ku ndena ya kulwa; ditina dakwe ngene Mkoma.

Ezekhiyele 25:14

Se ni na phota txitimwi ka Edhomi, ngu dianza da vathu vangu va Israyeli; vona va na maha ka Edhomi madingano ni kuhenya kwangu, ni madingano ni txiviti txangu; se va ka Edhomi va na ziva kuphota kwangu, kuwomba Mkoma.

Ezekhiyele 24:27

Kedo ditshiku, txi na tuleka txisofu txako ka wule a no huluka; se u na womba-womba, khu na mbi maha txiduma ka mbimo yo lapha; ngu kumaha keto, u na va txixamaliso kwawe, kambe va na tiziva taku ani ngani Mkoma.

Ezekhiyele 24:24

Ngu kumaha keto, Ezekhiyele a na va txikombiso kwanu; mi na maha totshe tile a no va a di mahile; se mbimo yi eto ti no maheka, mi na tiziva taku, ani ngani Mkoma Txizimu.

Ezekhiyele 6:7

Se sirumbi si na wetetela hagari kwanu, kasi ku mi tiziva taku ani ngani Mkoma.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.