Jeremiya 16:2 - Bhiblia Yo Sawuleka

² “U nga dhuke u teka msikati, hambi kuva ni sizambiyana ni sihoranana ka wuwa wukhalo.”

Jeremiya 16:2 Referans Kwoze

Luka 23:29

nguko ma nata masiku awa ku nota wombwa ti to va katekile vavasikati va i ku sifule, ni va va nga mbi veleka, ni va va nga mbi mamisa.

Luka 21:23

Va nava ni dikhombo va sirumbu ni va kumamisa ka oneyo masiku! Nguko ku nava ni kuxaniseka ka hombe ha mafuni, ni kuhenyelwa ku na wela ditiko diya.

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Matewu 24:19

Dikhombo da vavasikati va sirumbu ni da vale va nota maneka va txi mamisa ka masiku oneyo!

Jeremiya 16:1

Se di tile kwangu dipswi da Mkoma, di txi kha dona:

Jeremiya 16:3

Nguko Mkoma a khene xungetano ngu vanana va txiwamna ni va txisikati ava va nga velekwa ka wuwa wukhalo, ni xungetano ni vamame vawe ava va nga va veleka, ni xungetano ni vatate va va nga va veleka ka ditiko diya:

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.