Jeremiya 16:17 - Bhiblia Yo Sawuleka

¹⁷ Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Jeremiya 16:17 Referans Kwoze

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Mavingu 5:21

Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu.

Masalmo 90:8

Awe u vekile sionho sathu masoni kwako wa landula sionho si hi nga si maha kusisalani.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Jeremiya 32:19

U wa hombe mu ka makungo, u ni mtamo mu ka kumaha, maso ako ma wona otshe mahanyelo a vathu, kasi kuninga ka mmwani ni mmwani madingano ni mahanyelo akwe, ni madingano ni mihando yakwe.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Isaya 29:15

Dikhombo ka vale va lavako kusisela Mkoma makungo awe! Va maha mithumo yawe txidemani, va txi kha vona: I mani a hi wonako kani? Niku i mani a hi zivako kani?

Masalmo 139:3

Wa ni wona mbimo yi ni tsimbilako ni mbimo yi ni humulako; wa tiziva totshe tinzila tangu.

Ezekhiyele 8:12

Sekoko a to ni gela ku khene: U ti woni, awe mwanana wa m'thu, a ti madhota a nyumba ya ka Israyeli ma mahetelako txidemani, mmweyo ni mmweyo nyumbani kwakwe ko pendetelwa sifananiso kani? Kambe vona va kha vona: Mkoma kha hi woni, Mkoma a lekile mafuni.

Masalmo 51:9

U nga wone sionho sangu kambe pfhita sotshe sionho sangu.

Masalmo 109:15

Sionho sa vaveleki vakwe si na woneke yotshe mbimo masoni ka Mkoma aniko Txizimu txi na fuvise lihunzu lawe ha mafuni!

Jeremiya 2:22

Hambi u nga samba ngu mirende, u pupumisela sephu yayingi, wubihi wako wu na woneka masoni kwangu, Ngene apune Mkoma a wombako.

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Zefaniya 1:12

Se ku na maheka taku, ka yona yile mbimo, ni woningeta Jerusalema ngu malambu, ni tsayisa vavamna vale va khalahatshako txitimwi ka nzambwa yawe, va kukhona ngu mbiluni kwawe: Mkoma kha mahi ta tinene, kambe kha mahi to biha.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Jobe 10:14

Ngako ni txi onha, awe wa ni wona; ka wubihi wangu, khu na mbi ni divalela.

Jobe 31:4

Ina Txizimu kha txi ti woni tinzila tangu, niku ina kha txi baleli mazambo angu kani?

Masalmo 33:15

Ngene a nga wumba timbilu tawe; wa ti wona totshe ti va ti mahako.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Jeremiya 7:11

Ina nyumba yi yi dhanwako ngu ditina dangu, yi mahile phako ya makhamba masoni kwanu kani? Kunene, nani ni ti woni, kuwomba Mkoma.