Jeremiya 16:13 - Bhiblia Yo Sawuleka

¹³ Ngu konaho, ni na mi tshotsha hahanze ka diya ditiko, mi txi ya ka ditiko di mi si di ziviko, anu, hambi vatate vanu; mi na ya si thumela kona simwani sizimu wusiku ni mitshikari, nguko na mbi mi pfela wumbilu.”

Jeremiya 16:13 Referans Kwoze

Dhewuteronome 28:36

Mkoma a na ku rurisa awe, kumweko ni mfumeli wule u no va u di m'vekile txitimwi kwako, a txi kuyisa ka ditiko di u si di ziviko awe ni vatate vako, se koneyo u na ya khozela simwani sizimu, so mahwa ngu mapulango ni marigwi.

Jeremiya 15:14

Ni na kumaha u thumela valala vako ka ditiko di u si di ziviko; nguko mndilo wa kuhenya kwangu wu dhivetwe, awu wu no mi hisa.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

2 Makronika 7:20

sekoko ni na mi thavisa ka ditiko diya ni nga mininga, se ka yiya nyumba ni nga yi sawulekisela ditina dangu, ni na yi tshotsha kule ni nani, ni mi maha txisekiso hagari ka votshe vathu.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 15:4

Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

Jeremiya 14:8

Awe u kuthemba ya Israyeli, Muhanyisi wathu ka mbimo ya sikarato, ngu kutxani u txi nga u wa matiko ditikoni, nga muendi wu a hambukako kasi e fungala wusiku wumwewo kani?

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Dhewuteronome 29:28

Mkoma a va rurisile ditikoni kwawe ngu kuhenya, ni txiviti, ni kuhenya ka hombe, e va vinza ka dimwani ditiko, nga ti hi ti wonako nyamsi.”

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 22:26

Ni na kutovela, awe ni mwamwako wu a nga kuveleka, mi txi ya ka dimwani ditiko, aho mi nga mba velekwa kona, kona kheyo mi na ya fela kona.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

Jeremiya 10:18

Nguko Mkoma a khene: Ka yiya mbimo ni na tshotsha kule vazumbi va ditikoni, ni na va xanisa veza ve tipfa, va txi kha vona:

Jeremiya 16:5

Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.