Jeremiya 16:12 - Bhiblia Yo Sawuleka

¹² Kasiko koko anu mi mahile to biha ni kupinda vatate vanu; nguko mmweyo ni mmweyo wanu a ta so mbetete e bangisa mbilu yakwe yo biha, ti taku mi si ni engisi.

Jeremiya 16:12 Referans Kwoze

Jeremiya 13:10

Ditiko diya do biha, adi di si tumeliko kupfa mapswi angu, adi di tsimbilako ngu kubanga ka mbilu ya dona, di txi londetela simwani sizimu, di txi si thumela ni ku si khozela, di na fana ni libhandi li li si vhuniko txilo.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Dhewuteronome 9:27

Alakanya sithumi sako, Abrahamu, Isaake ni Jakobe; u nga wone kubanga ka timbilu ta vathu vava, hambi wubihi wawe, ni txionho txawe.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Jeremiya 18:12

Aniko va na xamula, va txi kha vona: “Wa ti karata walo, hi na maha kuranda kwathu athu vanyamne, mmweyo ni mmweyo a na maha ngu kubanga ka mbilu yakwe yo biha.”

Sidilo 5:7

Vatate vathu va onhile, aniko konkuwa kha va ngaho; se athu vanana vawe hi rwekwa sionho sawe.

Ezekhiyele 20:30

Ngu tona eto, womba ka nyumba ya ka Israyeli u txi khawe: Mkoma a khene: Anu mi ti nyenyezisa mipune kufana ni vatate vanu ngu txani kani? Mi txi mahetela ta manyala kani?

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Malakiya 3:7

Kukhukhela ka masiku a vatate vanu, mi lekile sileleto sangu, kambe kha ma si xayisa; tshumelelani kwangu, se na ni ni na tshumelela kwanu, kuwomba Mkoma wa Mabutho a Tiyimbi; kambe anu mi khanu: Hi na tshumelela txani kani?

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?