Jeremiya 15:9 - Bhiblia Yo Sawuleka

⁹ Awu a nga veleka mtxhanu wa vanana ni vambidi, a hohovate, a fite; ditambo dakwe di pswitikile na kuve i ngadi mitshikari; a rwate tingana ni kujujeka msungo. Ava va nga sala ni na va ningela ka ditxhari masoni ka valala vawe, kuwomba Mkoma!”

Jeremiya 15:9 Referans Kwoze

1 Samuwele 2:5

Avale kale va nga ti tikhura, vathumela dipawu, aniko konkuwa avale va nga ti ni nzala va humute; hambi txifule txi velekile mtxhanu wa vanana ni vambidi, se awule a nga ti ni vanana votala a sate ekha.

Isaya 47:9

Aniko ka totshe timhaka tiya ta timbidi, ti nata txitimwi kwako ngu mbimo yimweyo, ka ditshiku dimwedo: Kufelwa ngu vanana, ni kumaha noni; ngu mtamo wotshe ti nata txitimwi kwako, ngu mhaka ya wuloyi wako wo tala, ngu sixamaliso sako so tala ngutu.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Ezekhiyele 5:12

Ka mitengo yiraru ya vathu vako, wo khata wu na fa ngu mitungu, ni kuhetwa ngu nzala; se mtengo wa wumbidi wu na dawa ngu ditxhari madhawani kwako; se wumwani mtengo ni na wu hangalasa ka otshe madhawa, na ni txi vatutumisa ngu ditxhari.

Sidilo 4:10

Manza a vamame vale va nga ti zivaneka ngu wunene, ngu ona ma nga bhika vanana vawe mapune, ve tshumela ve dya, nguko m'ti wa ka kwathu wu xasetwe ngu nzala.

Jeremiya 44:27

Sekoko ni na va pfisa kupanda na i si nga wunene; se votshe vathu va ka Judha va ku ditikoni ka Egipta va na hetwa ngu ditxhari ni nzala, veza votshe va txi bhi.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Jeremiya 6:4

Khatani kulwa nayo! Wukani miya kona ni mitshikari. Yowe, ditambo diswite, ni mitsudi ya kuswa ka dona yi laphile.

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Jeremiya 50:12

A na humbwa a txi wa mwamwanu, a na wiswa tingana wu a nga mi veleka: Wonani ti taku ene a na va dimwedo da matiko o gwitisa, ku va txiwula, ditiko da kuoma ni txiwunda.

Ezekhiyele 5:13

Ngu kumaha keto kuhenya kwangu ku na maheka, ni na boxela kwawe txiviti txangu ni txi ti thavelela; kambe va na tiziva ti to ngani ani, Mkoma, ni nga womba ngu kuvihata, mbimo yi ni no va vitikela.