Jeremiya 15:8 - Bhiblia Yo Sawuleka

⁸ Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Jeremiya 15:8 Referans Kwoze

Isaya 3:25

Vavamna vako va na dawa ngu ditxhari, ni tindena tako ti na guma yimbini.

Luka 21:35

nga mlawu, nguko di na wela votshe va va nga aka ha mafuni kotshe.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Isaya 4:1

Se mtxhanu wa vavasikati ni vambidi, ka dona ditshiku dile, va na ti ñolela wamwamna mmweyo, va txi kha vona: Athu hi nadya sakudya sathu ni kuambala syambalo sathu; ho lava dwe ti to hi dhanwa ngu ditina dako; hi thavise tingana tathu.

Jeremiya 16:3

Nguko Mkoma a khene xungetano ngu vanana va txiwamna ni va txisikati ava va nga velekwa ka wuwa wukhalo, ni xungetano ni vamame vawe ava va nga va veleka, ni xungetano ni vatate va va nga va veleka ka ditiko diya:

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 22:7

Ni na kudhanela valovisi, mmweyo ni mmweyo a na va ni matxhari akwe, va na ganga mikedhari yako yo tshura, va txi yi tshotsha mndiloni.

Sidilo 5:3

Athu hi fetwe ngu vatate, vamame vathu va hindukile va txi nga tinoni.

Ezekhiyele 22:25

Kukanetisana ka vaprofeti vako kuho hagari ka dona, kufana ni gonyamo yi bhongako, yi txi ñola txihari; va honyolako tithomba ni simwani somaha, ve engetela tinoni hagari ka dona.

Hoseya 4:5

Ngu konaho, u nawa ni mitshikari, ni mprofeti a nawa ni wusiku kumweko ni nawe; kambe ni na lovisa mame wako.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.