Jeremiya 15:7 - Bhiblia Yo Sawuleka

⁷ Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

Jeremiya 15:7 Referans Kwoze

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Jeremiya 51:2

Kambe ni na rumela ka Bhabhilona vamatiko va txi ta mu hehera, ve siya ditiko dakwe i ti diphanga; nguko va na mu wukela ngu ka otshe madhawa, ngu ditshiku da phango.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Isaya 41:16

Awe u na si tsetseta, se moya wu na si purumisa, txihuhuri txi na si hangalasa; aniko awe u na tsaka ka Mkoma, u na ti dhumisa ka Msawuleki wa Israyeli.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Zakariya 1:4

Mi nga mahiseni kufana ni vatate vanu, avale vaprofeti vo khata va nga womba-womba kwawe, va txi kha vona: Mkoma wa Mabutho a Tiyimbi a khene: Hundulukani konkuwa ka tinzila tanu to biha, ni ka mithumo yanu yo biha. Aniko kha va ni engisa, hambi ku ni pfisisa, kuwomba Mkoma.

Ezekhiyele 24:25

Se ngu kwako awe mwanana wa m'thu: Kha ku na mbi maheka taku, ka ditshiku di ni no thavisa mkhokhola wawe, i ku wudhundo wa ku ti bombisa kwawe, ni kunavela ka maso awe, kuwusetwa ka mihefemulo yanu, ni vanana vanu va mazambi ni vamahorana,

Dhewuteronome 28:41

U na veleka vanana va mazambi ni vamahorana, avale va no mbi kulumba, nguko va na tsula wukhumbini.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Dhewuteronome 28:32

Vanana vako va mazambi ni vamahorana va na ningelwa ka yimwani mifumo; ni maso ako ma na ti wona toneto, ma txi dokovela ngu kuxuva wusiku ni mitshikari, aniko dianza dako di na pwata mtamo, di si sikoti kumaha txilo.

Dhewuteronome 28:18

Yi na ruketelwa mihando ya mbeleko yako, ni mihando ya thembweni kwako, marole a tihomu tako ni sinvutana sa tinvuta tako.

Ezekhiyele 36:12

Ni na maha taku vathu vangu va ka Israyeli ve tsimbila-tsimbila txitimwi kwanu; vona va na kuteka, u na va thomba yawe, khu na mbiswa kambe u txi daya vanana vawe.

Isaya 9:12

Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.