Jeremiya 15:6 - Bhiblia Yo Sawuleka

⁶ U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 15:6 Referans Kwoze

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Zefaniya 1:4

Se ni na nawuluta dianza dangu txitimwi ka Judha, ni txitimwi ka votshe vaaki va Jerusalema; ni na fuvisa ka wukhalo wuwa miboti ya Bhahali, ni matina a vale va thumelako sithombe, ni vaphaxeli;

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Ezekhiyele 25:7

wona taku ni na nawuluta dianza dangu ni txi kulwisa, se ni na kuningela u handwa ngu matiko, ni txi ku dula hagari ka matiko, kambe ni na kuhasamula hagari ka matiko; se u na tiziva ti to ani ngani Mkoma.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Isaya 28:13

Ngu toneto, dipswi da Mkoma, di na va mlayo txitimwi ka mlayo, mlayo ni mlayo, txileleto txitimwi ka txileleto, txileleto ni txileleto: Kudotho hawa, kudotho hale; Kasi kuve tsula va txiwa ngu msana, ve funyeka, ve bzetwa, ve ñolwa.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.

Jeremiya 6:12

Nyumba yawe yi na ningelwa vamwani, kumweko ni tithembwe tawe ni vasikati vawe; nguko ni nawuluta dianza dangu txitimwi ka vaaki va ditiko, kuwomba Mkoma.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Ezekhiyele 35:3

U txi khawe ka wona: Mkoma Txizimu a khene: Wona taku ani na kuwukela, awe mmango wa Seyiri, kambe ni na nawuluta dianza ni kuwukela, ni txi kumaha dirumbi ni txixamaliso.

Jeremiya 13:14

Ni na va phwatisa ve gumulana, vatate ni vanana, kuwomba Mkoma. Kha ni na mbi va divalela, hambi ku va tsetsa. Kha ni na mbi va ni wumbilu ha ka ku ni si va lovisi.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.