Jeremiya 15:4 - Bhiblia Yo Sawuleka

⁴ Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

Jeremiya 15:4 Referans Kwoze

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Ezekhiyele 23:46

Nguko Mkoma Txizimu a khene: Ni na va maha ve lwiswa ngu msengeletano, ni txi va ningela ve thaviswa ditikoni, va txihandwa.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Jeremiya 34:17

Ngu konaho, Mkoma a khene: Anu kha ma ni engisa, kha ma peka nyiwo ya kutxhatxheka mmweyo ni mmweyo ka mmwani, ni mmweyo ni mmweyo ka mwakelani wakwe. Wonani, na mi bikela kutxhatxheka, kuwomba Mkoma, ni txhatxha matxhari, ni mtungu, ni nzala; na mi ningela mi txi xaniswa ka yotshe mifumo ya mafu.

2 Vafumeli 21:2

Se a to maha wubihi masoni ka Mkoma, kufana ni manyala a vamatiko, avale Mkoma a nga ti va tutumisile ka makhalo awe, masoni ka vanana va ka Israyeli.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

2 Vafumeli 21:1

Manasi a ti ti ni digumi da malembe ni mambidi a tanga, mbimo yile a nga khata kufuma, se a to fumela Jerusalema mtxhanu wa magumi a malembe ni mtxhanu; ditina da mwamwakwe i ti ti Hafizibha.

2 Makronika 33:1

Manasi a ti ti ni digumi da malembe ni mambidi mbimo yile a nga khata kufuma, se a to fumela Jerusalema mtxhanu wa magumi ni mtxhanu wa malembe.

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

Ezekhiyele 18:19

Aniko wombani ku khanu: Ngu kutxani mwanana asi tekeleli wubihi wa tate wakwe kani? Nguko mwanana a mahile tinene ni wululamo, kambe a xayisile sotshe sileleto sangu a txi si maha, ngu mhaka ya eto, ngu ditshuri a na hanya.

2 Vafumeli 21:15

Nguko va nga maha wubihi masoni kwangu, ve ni wusela txiviti, kukhukhela ka ditshiku dile vatate vawe va nga huma ngu Egipta, kala nyamsi.