Jeremiya 15:19 - Bhiblia Yo Sawuleka

¹⁹ Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

Jeremiya 15:19 Referans Kwoze

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Levhi 10:10

Ngu toneto, mi na sikota kuhambanisa atxi i ku txo sawuleka ni txo mbi sawuleka, ni txi i ku txo yila ni txo mbi yila,

Ezekhiyele 44:23

Se vaphaxeli va na gondisa vathu vangu, kuhambanisa hagari ka kusawuleka ni kunyenyeza, ni kuhambanisa kusawuleka ni kwa mbi sawuleka.

Ezekhiyele 22:26

Vaphaxeli va dona va ndaka mlayo wangu, kambe va nyenyezisela siya sangu so sawuleka; hagari ka wo sawuleka ni wo nyenyeza kha ku nga ni kuhambana, hambi kuhambana ka wo sawuleka ni wa kwa mbi sawuleka; amu ka Masabbata angu, va pfhumisa maso awe, se ngu kumaha keto na nyenyeziswa hagari kwawe.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Vagalatiya 1:10

Ina no lava kudhumiswa ngu m'thu kani, mwendo kudhumiswa ngu Txizimu, kani? Mwendo no lava kutsakisa vathu kani? Idiku ni ngadi ni txi dhunda kutsakisa vathu, nga ni si fanekelwi ngu kuthumela Kristu.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Ezekhiyele 2:7

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta.

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Jeremiya 20:9

Sekoko ani ni ti khani: Kha ni na mbi mu alakanya, hambi kuwombawomba ngu ditina dakwe; aniko eto mbiluni kwangu ti to nga mndilo wo tura, na wu di tsivetwe marambuni kwangu; kambe ni rerekile ngu kuxaniseka se kha ni sikoti.

Vagalatiya 2:5

Kambe athu kha ha tumela kutiveka hahatshi kwawe, hambi ngu txikhatianyana, kasiku ditshuri da Evhangeli di txi zumba di di tsani kwanu.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

2 Vakorinto 5:16

Ngu toneto, kukhukhela konkuwa, awalo wu hi m'zivako ngu kuwona nyama yakwe. Hambi Kristu hi di m'zivisile toneto, kambe konkuwa hi nga tona ti hi m'zivisako tona.

Jona 3:2

Khukha, u tsula ka Didhoropa da Hombe da Ninivha, u txi ya txhumayela mapswi ale ani ni nga kugela.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.

Jeremiya 6:29

Vatxhokoloteli va futetela ngu mtamo, mthovhu wu hisilwe ngu mndilo; mnyekisi a nyekisile walo, nguko vo biha kha va thaviswa.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.

Sidilo 1:11

Votshe vathu vakwe va dila va txi lava sakudya; va xavisile tithomba tawe ngu kulava sakudya, kasi kuva txi wusa mitamo yawe; “wona Mkoma, wonisisa koko, a ti ni nyenyiswako tona.”

Levhi 14:57

kasi kugondisa ti to ditshiku muni di txomaha txi nga mbi basa, ni ditshiku di txi nga basa. Awuwa mlayo wa tshekela.

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.