Jeremiya 15:15 - Bhiblia Yo Sawuleka

¹⁵ Awe Mkoma, awe wa tiziva, ni alakanye u ni endela; ni tshunde kupharela ka vaxanisi vangu; timisela ngu ngani, u nga ni dhukise; ziva ti taku ni rukwa ngu mhaka yako.

Jeremiya 15:15 Referans Kwoze

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Luka 21:17

Mi na vengelwa ngu votshe ngu mhaka ya ditina dangu.

Jeremiya 20:12

Aniko, Mkoma wa Mabutho a Tiyimbi, awe u xolako va vo lulama; awe u wonako mapimo awe ni timbilu. Ni na wona ngako u txi ni pharelela ka vona, nguko ni kuzivisile mhaka yangu.

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

Masalmo 119:84

I mbimo muni ni ku ngadi ni txi na rinzela kani? U na lamula mbimo muni vale va ni xanisako kani?

Masalmo 106:4

Ni alakanye, Mkoma, ngu lirando li u ku nalo ka vathu vako. Ngono u ta ni hanyisa,

Nehemiya 5:19

Awe Txizimu txangu, ni alakanye ka totshe ti ni mahelako vathu vava.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 6:10

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?”

2 Timoti 4:14

Alexandre mtshuli, a ni mahete tshofu yo biha ngutu. Mkoma a na mtshumetele madingano ni mithumo yakwe.

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Jeremiya 15:10

Dikhombo kwangu, awe mwamwangu! Ngu kutxani u nga ni veleka, ani m'thu wa mazunga ni kuphikiza ka dotshe ditiko kani? Kha ni se txenekisa txilo ngu mhaka ya dibhindu, vathu kha va ni txeneka txilo; hambi keto, votshe va ni ruketete.

Isaya 38:3

A txi khene: Awe Mkoma, alakanya, na ku kombela, ti to ni tsimbite ditshurini masoni kwako, ngu kuthembeka, kambe ni mahile to lulama masoni kwako. Se a to dila ngutu Ezekhiya.

Masalmo 102:24

Ani ni kombete ni txi khani: “Txizimu txangu, u nga ni teke ni di hagari ka masiku a kuhanya!” Malembe ako, Mkoma, kha ma na magwito!

Masalmo 39:13

U nga ni ronokele kasiku ni mana kupepa, di sinzi kuhoka ditshiku da kufa, ni txi rura ha mafuni.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Jobe 10:7

Awe wa tiziva ngu kumweko taku, ani kha ni nga m'bihi; kambe kha nga ho ni wammweyo wa ku ni thavisa manzani kwako.

Nehemiya 13:31

ni lulamisa ni mningelo wa tikhuni, ngu timbimo ta kona, ni matiwula. Ni alakanye, awe Txizimu txangu, ka ta tinene.

Nehemiya 6:14

Awe Txizimu txangu, alakanya Tobhiya ni Sambalati, madingano ni mithumo yiya, ni mprofeti wa txisikati Nowadhiya, ni vamwani vaprofeti, va nga ti lava ku ni dhukisela.

Varoma 8:35

I mani a no sikota ku hi hambanisa ni lirando la Kristu kani? Mwendo ngu sikarato, mwendo kuxupheka, mwendo kuxaniswa, mwendo tinzala, mwendo wusakato, mwendo tiphango, mwendo matxhari kani?

Valamuli 16:28

Sekoko Samusoni a to dila ka Mkoma, a txi khene: “Mkoma Txizimu, na ku kombela ti to u ni alakanya, u txi ni ninga mtamo konkuwa, ka yona mbimo yiya awe Txizimu, kasi ku ngu mbimo yimweyo, ni ti photela ka Vafilista, ngu mhaka ya maso angu a mambidi.”

Masalmo 44:22

“Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Sidilo 3:64

Awe u na va ninga hakhelo yawe, Mkoma, madingano ni mithumo ya manza awe.

Sidilo 3:66

Kuhenyani kwako Mkoma, u na va tovela, se vona va na loviswa hahatshi ka nzuma yako.